Proverbios 4:4 - Bible in Tzeltal de Oxchuc y Tenejapa

⁴ soc te jtate la sp'ijubteson, jich la yalbon: “Ac'a me ta ajol, ac'a me ta awo'tan te c'opetic cu'une; pasa te bila ya cac'bat apase, jich me ya xcuxinat.

Bible in Tzeltal Bachajón

⁴ te jtat la sp'ijubteson, hich la yalbon: Ac'a ta awo'tan te bintic ya calbat; ch'uhuna te mandariletic cu'un, hich me ya xcuxajat a.

Proverbios 4:4 Referans Kwoze

Proverbios 3:1

Jnich'an, ma me xch'ay ta awo'tan te p'ijubtesel cu'une; q'ueja me ta ajol, q'ueja me ta awo'tan te mandaliletic cu'une,

San Juan 12:50

Jna'oj stojol te ya yac' cuxinel sbajt'el q'uinal te smandal te Jtate. Jich yu'un te bila ya cale, ja' ya cal te bila yalojbon te Jtate —xi' te Jesuse.

Proverbios 7:2

Ch'uunbon me te mandaliletic cu'un soc te p'ijubtesel cu'une; canantaya me, jichuc me ta awo'tan te bit'il xch'ulel asite, jich me ya xju' ya xcuxinat.

1 Crónicas 28:9

Te ja'at Salomón, te jnich'anate, ma me xch'ay ta awo'tan te Dios yu'un te atate. Ac'a aba ta abatinel ta stojol ta spisil awo'tan. Junuc me awo'tan ta stojol, melel te Cajwaltic ya sna'botic ta lec te co'tantique, ya sna'botic bitic ya snop co'tantic soc bitic ay ta co'tantic. Jich yu'un teme jun awo'tan ya ale, jich me ya yac'bat te ya ata ta leele. Yan teme ya ach'ay ta awo'tane, ya me sloq'uesat ta jc'axel ta sbajt'el q'uinal.

2 Timoteo 3:15

Melel ta awalalil to ana'oj te bila ts'ibubil jilel ta Xch'ul Sjun te Diose, te ja' ya yac'bat sp'ijil awo'tan te bit'il ya xcolat ta swenta xch'uunjel awo'tan ta stojol te Cristo Jesuse.

Efesios 6:4

Ja'ex te sme'-statexe, ma me xawac' te ya x'ilin yo'tan awu'unic te awal-anich'anique. Ja' ya sc'an te lec ya ach'ijtesic, soc te lec ya ap'ijubtesic ta yalalil to, soc te ya atac'uyic ta swenta te Cajwaltique.

Deuteronomio 6:6

“Ac'a me ta ajol, ac'a ta awo'tan spisil te bitic la calbat awaiy ta ora in to.

Hebreos 5:9

Jich mero lequil Jcoltaywanej c'ot, te sbajt'el q'uinal ay jcoleltic yu'un te jayebotic ya jch'uunbeytic te smandale.

Isaías 55:3

La'ic ta jtojol, soc aiya awaiyic, aiybon awaiyic stojol te jc'ope, yu'un jich me ya xcuxinex. Te jo'one ya jpas trato ta sbajt'el q'uinal ta atojolic, jich me ya xc'ot ta pasel te bit'il caloj ta swenta xc'uxul co'tan ta stojol David.

2 Timoteo 1:5

Melel ya xjul ta co'tan te ay xch'uunjel awo'tan ta melele, jich bit'il ay xch'uunjel yo'tan te Loida, te sme' te ame'e, soc te ame' Eunice. Jna'oj ta lec te bit'il jich nix ay xch'uunjel awo'tan uuc te ja'ate.

Proverbios 22:6

Ac'beya lequil p'ijubtesel te alal te c'alal ch'in to ae, te c'alal ya xmamalub, ma'yuc bi ora ya xch'ay ta yo'tan.

Salmos 119:11

Cac'oj ta co'tan te ac'ope swenta yu'un ma jta jmul ta atojol a.

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Salmos 119:168

Jch'uunej te bitic awaloj soc te mandaliletic awu'un; te ja'ate ya ana'bon spisil te cat'ele.

Proverbios 23:26

Jnich'an, ac'a asit ta jtojol, ja' me xanopbon te bila ya jpas ya awile.

Jueces 13:12

Te Manoa la yalbey: —Te c'alal ya xc'ot ta pasel te bi la awalbotique, ¿bit'il ya sc'an jch'ijtestic te quereme? ¿Bila ya sc'an jpastic soc? —xi'.

Salmos 119:144

Te mandaliletic awu'un toj ayic sbajt'el q'uinal stuquel; ac'bon jna', jich me ya xcuxinon.

Proverbios 3:2

jich me najt' aworail ya xcuxinat soc bin nax me awo'tan ya xc'axat ta q'uinal.

Jeremías 38:20

Jeremías la sjac': —Ja'uc me to, muc' ajwalil, ma ba x'ochat ta sc'abic. Wocoluc, ch'uunbeya sc'op Cajwaltic te la calbatix awaiye. Jich me lec ya xc'oat ta loq'uel, jich me ya xcol acuxlejal.