Proverbios 4:23 - Bible in Tzeltal de Oxchuc y Tenejapa

²³ Ja'uc me tulan sc'oplal ta awo'tan te ya acanantay ta balumilal te ajol soc te awo'tane, melel tey me ya xtal a te acuxlejale.

Bible in Tzeltal Bachajón

²³ Ta spisil, canantaya awo'tan, como tey ya xtal a te acuxlejale.

Proverbios 4:23 Referans Kwoze

San Lucas 6:45

Te mach'a lec te yo'tane, lec te bila ya yal loq'uel ta yee, yu'un nojel ta yo'tan te bila leque. Yan te mach'a amen te yo'tane, ma lecuc te bila ya yal loq'uel ta yee, yu'un nojel ta yo'tan te bila amene. Melel ta jc'optic ya xchicnaj te bila nojel ta co'tantique.

Proverbios 13:3

Te mach'a ya stsajtay te sc'ope, stuquel nix ya scanantay sba a; yan te mach'a bayal ya xc'opoje, stuquel nix ya sjin sba.

Jeremías 17:9

“Bayal ya xlo'laywan te o'tanile. Nojel ta mulil ta jyalel, ma'yuc yan bila pajal soc. Ma'yuc mach'a ay sp'ijil yu'un sna'el.

San Mateo 15:19

Melel ta yo'tanic ya xcaj snopic te ants-winiquetic te bila amen ta pasele: Ja' te milawe, soc te mulweje, soc yalel ta mulil, soc elec', soc le-c'op, soc toyba-c'op.

Proverbios 23:19

Jnich'an, ich'a ta wenta te bila ya cale, nopa ta mero lec; ja' me xawac' puersa ta st'unel te lequil be.

Proverbios 28:26

Te mach'a ma sna' q'uinal, yich'oj sba ta muc' yu'un te bila snopoj ta yo'tane; yan te mach'a ya x'at'ej soc sp'ijil yo'tan, libre ya xc'ot yu'un stuquel.

San Marcos 14:38

Wic'a me asitic, c'oponaic Dios, swenta yu'un ma ba ya xyalex yu'un te yiljibal awo'tanique, melel ay yip stuquel te awo'tanique. Ja' nax te abaq'uetalic te ma'yuc yipe —xi'.

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.

Hebreos 12:15

Tsajtaya me abaic, ma me ayuc jtuluquex te ma ba ya ataic te yutsil yo'tan te Diose. Ma me ayuc jtuluquex te ay bila ma lecuc ay ta awo'tanique. Melel teme muc'ube, ay me awocolic yu'un, soc jich me ay tsobol ya xbolob yo'tanic yu'un.

Proverbios 4:7

Ja'uc me tulan sc'oplal awu'un te ya awich' sp'ijil awo'tane; ich'a me te sp'ijil ajole, jich me ya ana' te bila toj ta pasele.

Proverbios 3:21

Jnich'an, spisiluc me ora tsajtaybil ya xc'opojat, ma me xch'ay awu'un te nacal-o'tanile,

Proverbios 22:5

Te sbe te mach'a amen yo'tan, nojel ta ch'ix soc ta pejts'; yan te mach'a ya scanantay sba soc xcuxlejale, ya me sq'uej sba yu'un te bila amene.

Proverbios 11:16

Te ants te ay yutsil yo'tane, ya sta ich'el ta muc' yu'un; te tulan winic ya sta sc'ulejal.

Eclesiastés 5:13

Ta balumilal ay bi mero mel-o'tantic sba quiloj: Ja' te mach'a ya sbusan ipal c'ulejalil yu'une, ja' nix ya sta swocol yu'un a.

San Mateo 15:18

Yan te bila ya xloc' tel ta awe'ique, ta awo'tanic ya xjajch' tel stuquel. Ja' amen ac'oplal ya xc'oex ta stojol Dios yu'un.

2 Reyes 10:31

Manchuc me jich albot te Jehú, pero ma ba la yac' puersa ta xch'uunel te smandal Cajwaltic te Dios yu'un Israel, melel ma ba la yijq'uitay te muliletic la spas Jeroboam te la yac'bey sta smulic te israeletique.

Proverbios 16:17

Te mandal yu'un te mach'atic toj yo'tanique, ja' te ya sq'uej sbaic loq'uel ta stojol te bila ma lecuque; te bit'il ya stsajtay te yo'tane, yac me ta scanantaybel sba a.