Proverbios 4:19 - Bible in Tzeltal de Oxchuc y Tenejapa

¹⁹ Pero te be yu'unic te mach'atic amen yo'tanique, mero ijc' stuquel; ni yacuc xju' ya yilic bila ya sc'ojch'in yacanic a.

Bible in Tzeltal Bachajón

¹⁹ Pero te be yu'un te mach'atic chopol yo'tanic, hich ay te bin ut'il yihc'al q'uinal; ma sna'ic bin ya sc'ohchinic.

Proverbios 4:19 Referans Kwoze

San Juan 12:35

Te Jesús jich la yalbey yaiyic: —Ma ba jalix c'aal te ay saquil q'uinal ta atojolic. Jich yu'un ac'a me puersa te ya xbeenex ta bay te saquil q'uinal, swenta yu'un ma me ch'ayemuc atsaic ya staex te ijc' q'uinale. Melel te mach'a ya xbeen ta ijc' q'uinale, ma sna' te banti beil ya xbajt'e.

Jeremías 23:12

Jich yu'un, te sbe ijc'uben me, soc biluben me; ya me cac' te ya scotp'inic, jich me ya xyalic. C'alal ya quich'bey ta wenta yat'elic, ya me cac' tel tulan woclajel ta stojolic. Jo'on Ajwalilon, jich ya cal.

1 Samuel 2:9

Te Cajwaltic ya me scanantay ta beel te mach'atic jun yo'tanic ta stojole; yan te mach'atic amen yo'tanic ya me xlajic ta yijc'al q'uinal stuquelic. Melel ma'yuc mach'a ya xju' ya yaiy tsalaw ta swenta nax te yip.

Jeremías 13:16

Ich'aic ta muc' te Cajwaltic te Dios awu'unique, te c'alal ma to xtal yu'un te ijc' q'uinal te ya ac'ojch'in awacanic ta bay ijc' q'uinal ta witstiquil; c'alal ma to sc'atp'un ta ijc' q'uinal, c'alal ma to sc'atp'un ta mero pimil ajc'ubal te saquil q'uinal ya amaliyic te ja'exe.

San Juan 11:10

Yan te mach'a ya xbeen ta ajc'ubale, ya sc'ojch'in yacan stuquel, melel ma sacubenuc q'uinal ta stojol —xi'.

San Mateo 15:14

Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

San Mateo 7:23

Jich me ya calbey ta jamal: “Xujt' ma jna'beyex abaic. Q'ueja abaic ta jtojol, ja'ex te la apasic te bila ma lecuque”, ya me cut.

Proverbios 2:13

ja' te mach'atic ya yijq'uitayic te lequil be, te ya st'unbeyic sbelal yijc'al q'uinale,

Job 18:18

Ya me yich' ch'ojel loq'uel ta saquil q'uinal, ya xco bael ta ch'ojel ta yijc'al q'uinal; ya me yich' tenel loq'uel ta balumilal.

Job 12:25

te banti xjuchlajan ya xbeenic ta ijc' q'uinale, soc te banti xtal xbajt' ta beel jichuc jyacubeletique.

Job 5:14

Ta c'aaleltic ma ba ya yil sbeic, xmaxlajan ya xbeenic c'oem; potsbilic ta ijc' q'uinal, jich c'oem te bit'il ajc'ubale.

1 Juan 2:11

Yan te mach'a yilintayej te yermanoe, yu'un nanix ainem ta ijc' q'uinal, tey yac ta beel a. Jich ma sna' te banti ya xbajt'e, melel ma'sit c'oem yu'un te ijc' q'uinale.

Salmos 82:5

“Pero te ja'exe ma x'ana'ic, ma xc'ot ta awo'tanic; melel yacalex ta beel ta ijc' q'uinal. Ac'a nijc'uc te yiptajib te lumq'uinale.

Proverbios 22:5

Te sbe te mach'a amen yo'tan, nojel ta ch'ix soc ta pejts'; yan te mach'a ya scanantay sba soc xcuxlejale, ya me sq'uej sba yu'un te bila amene.