Proverbios 4:11 - Bible in Tzeltal de Oxchuc y Tenejapa

¹¹ Jo'on me ya quic'at bael ta sbelal te p'ijil-o'tanile; ya me cac'at ta beel ta buen lequil be

Bible in Tzeltal Bachajón

¹¹ La jtojobtesat ta sbehlal p'ijil-o'tanil, la jcac'at ta behel ta toj behetic.

Proverbios 4:11 Referans Kwoze

Eclesiastés 12:9

Bayal la yich' sp'ijil yo'tan te jp'ijubteswaneje, jich bayal bi la yac'bey snop te ants-winiquetique. Soc la yich' starea ta snopel mero bayal p'ijil c'opetic, soc buen lec xmelmon la xchap.

Proverbios 8:9

Te mach'a ay sp'ijil sjol soc te ay sp'ijil yo'tane, jamal chican ta aiyel ya yaiy stuquel te jc'ope.

Proverbios 8:6

Aiybon awaiyic jc'op, yu'un mero toyol yutsil te bila ya calbeyexe, soc ja' ya xloc' ta que te bila mero stojil soc yich'oj swentail ta alele.

Salmos 23:3

ya yac'bon xan yach'il yip co'tan, ya yic'on bael ta toj be, jich ya yac' sba ta ich'el ta muc'.

Deuteronomio 4:5

Te jo'one la cac'beyexix anopic te mandaliletic soc te bitic chapal, te la yalbon cac'beyex anopic te Cajwal te Dios cu'une, yu'un me ya apasic bael tey ta lumq'uinal te banti ya xc'o awu'uninique.

Proverbios 4:4

soc te jtate la sp'ijubteson, jich la yalbon: “Ac'a me ta ajol, ac'a me ta awo'tan te c'opetic cu'une; pasa te bila ya cac'bat apase, jich me ya xcuxinat.

Hechos 13:10

Jich la yalbey: —Te ja'ate lo'laywanejat, nojel ta awo'tan spisil te bila amen ta pasele. Ja' snich'anat te pucuje, acontroinej spisil te bila lec ta pasele. ¿Jc'axel bal ma x'acom aba ta smacbel sbe te Cajwaltique?

Proverbios 8:20

Te jo'on ya xboon ta toj be, ja' te sbelal te toj-o'tanile.

Proverbios 2:20

Beenan me ta lequil be jiche, ja' me xanopbey stalel te mach'atic toj yo'tanique.