Proverbios 30:2 - Bible in Tzeltal de Oxchuc y Tenejapa

² Jo'on te mero bolon yu'un spisil a te winiquetique; ma'yuc p'ijilil jtaoj ta q'uinal.

Bible in Tzeltal Bachajón

² Ho'on te c'ax mayuc bin ya jna' ta spisil winiquetic; mayuc bin jna'oj scuenta ants-winic.

Proverbios 30:2 Referans Kwoze

Salmos 73:22

scaj te ma'yuc sp'ijil co'tan ta snopel ta lec. Jich ma ba la jna'bey swentail; jichon ta atojol te bit'il chambalame.

1 Corintios 3:18

Ma me mach'a ya slo'lay sba. Melel teme ay mach'a ya scuy sba ta p'ij ta swenta in balumilal to, jichuc ac'a scuy sba te ma'yuc bi ya sna'e, swenta yu'un jich me ay sp'ijil ya xc'ot a.

Santiago 1:5

Teme ay ma'yuc sp'ijil awo'tanique, c'anbeyaic te Diose, jich me ya yac'beyex. Ma p'isbiluc ya yac' stuquel, soc ma ba amen ya yaiy te bit'il ya yich' c'anbele.

1 Corintios 8:2

Teme ya jcuytic te ay bila jna'ojtic ta leque, yu'un nanix ma jna'tic abi.

Romanos 11:25

Quermanotac, ya jc'an te ya ana'ic stojol in c'op to, te ma ac'ot ta na'el ta neelal toe. Ya me calbeyex awaiyic, swenta yu'un ma ba ya atoy abaic yu'un te ac'oplalique. Melel te sts'umbal Israele tulanuben yo'tanic ja' to teme ochic spisilic te mach'atic jyanlumetique.

Jeremías 10:14

Bol yo'tanic, ma sna'ic q'uinal ta spisil te ants-winiquetique. Te mach'a ya spas te loc'ombaetic ya me sta q'uexlal yu'un; melel puro lo'laywanej te yat'ele, ma ba cuxul te loc'omba ya spase.

Isaías 6:5

La cal ta co'tan: “¡Obol jba, ya xlajon! La quilix soc jsit te Muc' Ajwalil, ja' te Cajwaltic te Spisil ya xju' yu'une, te jo'one ma ba lecon ta winiquil soc que, soc nainemon ta yolil te lum te boloben yeique”, xoon.

Proverbios 5:12

Soc jich me ya awal: “¿Bi yu'un te la jch'ay te tojtesele? ¿Bi yu'un te la jch'ay te tac'uyele?

Salmos 92:6

Ja' nax te mach'atic ma sna'ic q'uinal, ma xc'ot ta yo'tan stuquelic.

Salmos 49:10

Melel chican ta ilel te pajal ya xlajic ta spisilic; ya xlajic te mach'atic p'ijique, ja' nix jich ya xlajic uuc te mach'atic ma p'ijicuque; yan mach'a ya x'ich'botic jilel yu'un te sc'ulejalique.

Proverbios 12:1

Te mach'a bin nax yo'tan yu'un tojtesel, ja' lec ta yo'tan te p'ijil c'ope; yan te mach'a ya x'ilin yu'un te comele, ja' te ma sna' q'uinale.

Proverbios 30:1

Te p'ijil c'opetic yu'un Agur, snich'an Jaqué te ay ta Masa. Te Agur la sc'opon Itiel soc Ucal, jich la yal: