Proverbios 30:10 - Bible in Tzeltal de Oxchuc y Tenejapa

¹⁰ Ma me xalebey smul ta stojol yajwal te abate; teme jich ya apase, ya me sboltesbat ac'oplal yu'un, jich me ya ata awocol.

Bible in Tzeltal Bachajón

¹⁰ Ma me xalehbe smul te a'bat ta stojol te yajwal, ya wan yalbat chopol ac'oblal soc yac awich' castigo yu'un.

Proverbios 30:10 Referans Kwoze

Romanos 14:4

¿Mach'a ya acuy abaic a te ya alebey smul yabat te yane? Te yajwale ay ta swenta stuquel teme ya yalbey lec sc'oplale, o teme amen sc'oplal ya yalbeye. Ja'uc me to, puersa me lec ya xc'ot, melel te Cajwaltique ya xju' yu'un te lec ya xc'ot yu'une.

Eclesiastés 7:21

Ma me x'awich' ta wenta ta spisil te bitic ya x'alote, jich me ma ba ya awaiy a te bila amen ya yalbat ac'oplal te abat awu'une,

Daniel 6:24

Ja' nix ta yorail a, te muc' ajwalil la sticun ta iq'uel te winiquetic la slebeyic smul te Daniel. Te winiquetic, ta spisil soc yinamic soc yal-snich'nabic, la yich'ic ch'ojel ochel ta xch'en león-chojetic. Ma to ba staojic c'oel a, wilic tel ta stojolic te león-chojetique, jich ti'otic ta ora yu'un.

Daniel 6:13

C'opojic xan bael, jich la yalic: —Ja' te Daniel, te ja' jtul sjoy te judioetic te ic'otic tel ta mosoile, ma sc'an xyich'at ta muc' ja'at te muc' ajwalilat cu'untique, soc mero ma sc'an xyich' ta muc' te c'op chapal la apuc ta alele. Yu'un la quiltiquix te yac ta yalel wocol oxeb buelta jujun c'aal ta stojol te Dios yu'une —xiic.

Proverbios 28:27

Te mach'a ya scoltay te me'ba, ma'yuc bila ya spasot falta yu'un; yan te mach'a ma xyac'bey scoltayele, bayal me ya xbolob sc'oplal stuquel.

Proverbios 11:26

Te mach'a ya sq'uej strigo, ya xbolc'optayot yu'un te ants-winiquetic; yan te mach'a ya xchone, ya x'albot lec sc'oplal stuquel.

1 Samuel 30:15

Te David la sjojc'obey: —¿Ya bal ac'an ya awic'on bael tey c'alal ta banti ayic te jpoj-biluquetic ya awale? —xi'. La sjac' te egipcio-winic: —Teme ya awal ta jamal ta stojol Dios te ma ba ya amilone, soc teme ma ba ya awac'on ta sc'ab te cajwale, ya quic'at bael tey c'alal ta banti ayique —xi'.

1 Samuel 26:19

Wocoluc, cajwal, yacuc awaiybon jc'op jo'on te abaton awu'une. Teme ja' te Cajwaltic te ya yac'bat acontroinone, yacuc lamajuc yo'tan yu'un teme ya cac'bey smajt'an. Pero teme swenta nax winiquetic, jc'axel ch'aybil ac'a c'otuc yu'un te Cajwaltique. Melel ya stenoniquix loq'uel li' ta q'uinal yac'ojbotic te Cajwaltique, jich ya sticunonic bael ta spasel yat'el yan diosetic ya caiy.

1 Samuel 24:9

Jich la yalbey: —Cajwal, ¿bi yu'un ya ach'uun te mach'atic ya yalbat te yac jlebelat awocole?

Deuteronomio 23:15

“Teme ay manbil abat te loc' ta anel ta stojol yajwal, teme ya sc'anbeyex coltayele, ma me xawaq'uic xan ta stojol te yajwale.

Deuteronomio 15:9

Ma me xtal ta awo'tan te amen c'op in to: “Nopol ya staix te sjuquebal ja'wil, ja' te ja'wil yu'un ya yich' ch'ayel betiletic”, teme xaate, jich yan yilel asit a ya ajac'bey sc'op yu'un te alumal ay swocol yu'un sme'balile, jich ma'yuquix bila ya awac'bey sbetan yu'un. Teme jich ya apase, tulan ya me sc'opon Cajwaltic yu'un. Jich me ya ata amul ta stojol Cajwaltic yu'un teme jich ya apase.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.