Proverbios 3:9 - Bible in Tzeltal de Oxchuc y Tenejapa

⁹ Ich'a me ta muc' Cajwaltic soc te ac'ulejale, ich'a ta muc' soc te sba sit awawal-ats'unub te ya xloc' awu'une;

Bible in Tzeltal Bachajón

⁹ Ich'a ta muc' Jehová soc te bintic ay awu'un soc te sba sit spisil ats'unub awawal;

Proverbios 3:9 Referans Kwoze

1 Corintios 16:2

Ta jujun domingo juju-jtulex ya me awaq'uic jtebuc, ja' chican te jich yipal te bila ya ataique. Ya me aq'uejic swenta yu'un ma me ayuc taq'uin quechel ta tsobel xan awu'unic a te c'alal ya xtalone.

Éxodo 23:19

“Te bay mero lec sba sit te awawal-ats'unubic, ya me awich'ic tel ta templo cu'un te Ajwalilon te Dioson awu'unique. “Ma me xapay alal tentsun ta ya'lel xchu' te sme'e.

Proverbios 14:31

Teme ya jtentic ta uts'inel te me'bae, ja' me ya cuts'intic a te Jpaswanej cu'untique; yan teme ya jna'beytic yo'bolil sba te me'bae, ja' me ya quich'tic ta muc' a te Jpaswaneje.

Éxodo 22:29

“Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

Éxodo 34:26

“Ja' me x'awich'ic bael ta templo ta jtojol jo'on Ajwalilon te Dioson awu'unic, ta bay mero lequic sba sit awawal-ats'unubic. “Ma me xapay alal tentsun ta ya'lel xchu' te sme'e —xi' te Cajwaltique.

Génesis 28:22

Soc te ton te la jtejc'anixe, ja' sna Dios ya xc'ot cu'un. Soc spisil te bila ya yac'bon te Diose, ya me cac'bey jun ta slajunebal smajt'anin”, xi'.

2 Crónicas 31:21

Ta spisil te bi la spas ta swenta abatinel ta templo yu'un Dios, soc ta swenta spisil te mandaliletic, mero jun nax yo'tan ta spasel ta swenta te Diose, jich yu'un mero lec c'ot ta loq'uel.

Salmos 144:13

Te snail jwe'eltic nojelic ta jyalel yu'un spisil ta jchajp we'eliletic. Te chijetic cu'untic ta jmil yacal ta esmajel bael; bayal ta jmil ayic ta aquiltic cu'untic.

Proverbios 11:25

Te mach'a ma p'isbiluc nax ya yaq'ue, ya me x'esmantesbot xan te sbiluque; melel te mach'a ya yaq'ue, jich nix ya yich' xan.

Isaías 43:23

Ma la awac'bon chic'bil jmajt'an chijetic; ma la awich'on ta muc' soc milbil majt'anil. Ma ba lubat cu'un te la jc'anbat majt'anil; soc ma la cuts'inat yu'un sujbelat ta sc'anel pom.

Éxodo 23:16

“Ya me apasbon xan jq'uin ta swenta te c'ajoje, ja' te sba sit te awalts'unubile. Ja' ni me jich ya apasbon jq'uin ta swenta te c'ajoj ta slajibal te ja'wil te c'alal loq'uix spisil a te bitic ats'unoje.

Levítico 19:25

Ta yo'ebal ja'wil ya me xju' ya alo'beyiquix sit a. Jich me bayal sit ya yac'beyex a te te'e. Jo'on Ajwalilon, Dioson awu'unic.

Números 15:20

Ya me awac'bonic jtebuc harina te loq'uel to te sbabial ya yich' wots'el, ya me achajbanbonic waj jmajt'anin.

Deuteronomio 14:29

swenta yu'un te c'alal ya xtal te levitaetic te ma'yuc sq'uinalique, o ja' te jyanlumetic te nainemic ta awolilic, o ja' te me'ba alaletic soc te me'ba antsetique, ya me swe'ic ja' to me teme noj xch'ujt'ique. Te Cajwaltic te Dios cu'untique ya me yac'beyex bendición ta spisil te bitic ya apasique.

2 Crónicas 31:10

Jich yu'un te muc'ul sacerdote Azarías, te sts'umbal Sadoc, la sjac': —Ja' to c'alal jajch'ic yich'el tel te spatanic ta templo yu'un Cajwaltic, mero c'ax tic' a te bit'il yacotic ta we'el tele, bayal to la spas sobrail ta jyalel. Spisil in yipalic to spasojix sobrail, melel te Cajwaltic yac'ojbeyix bendición te lum yu'une —xi' te muc' sacerdote.

San Mateo 25:17

Ja' nanix jich uuc te mach'a la yich' cheb talento-taq'uine, jolon cheb talento yu'un uuc.