Proverbios 3:7 - Bible in Tzeltal de Oxchuc y Tenejapa

⁷ Ma me jc'axeluc lom p'ij ya acuy aba; ich'a me ta muc' te Cajwaltique, ma me xawac' aba a te bila amene.

Bible in Tzeltal Bachajón

⁷ Ma me p'ijuc yac acuy aba; ich'a ta muc' te Jehová soc ihquitaya te bin chopole.

Proverbios 3:7 Referans Kwoze

Job 28:28

Te Diose jich la yalbey te ants-winiquetique: “Te xjajch'ibal te p'ijil-o'tanile, ja' te yich'el ta muc' te Cajwaltique; soc te mach'a jc'axel ya yijq'uitay ta pasel te bila amene, ja' te mach'a ay sp'ijil sjol stuquel”, xi' te Diose.

Romanos 12:16

Junuc me awo'tan abaic spisil ora. Ma me toybauquex. Ja' ya sc'an te ya ajoin abaic soc te mach'atic peq'uel ayique. Ma me xacuy abaic ta p'ij atuquelic.

Proverbios 26:12

Ya xju' te ay bila lec ya xc'ot ta stojol te mach'a ma sna' q'uinale, pero jc'axel ma'yuc lec bi ya sta te mach'a ya scuy sba ta p'ije.

Job 1:1

Ta sq'uinal Uz nain jtul winic, Job sbiil. Buen toj yo'tan ain ta stojol Dios, ma'yuc bila amen spasoj stuquel. Soc mero jun yo'tan la yac' sba ta abatinel yu'un te Diose; mero la stsajtay sba ta lec, soc ma'yuc bila amen la spasbey ta stojol yantic.

Proverbios 16:6

Ta swenta xc'uxul-o'tanil soc ta swenta smelelil te ay ta pasel perdón yu'un mulil; teme quich'ojtic ta muc' te Cajwaltique, ya jq'uej jbajtic loq'uel ta stojol te bila ma lecuque.

Eclesiastés 12:13

Lajix ta alel te c'opetique, spisil la yich'ix alel. Ich'a ta muc' te Diose, ch'uunbeya te mandaliletic yu'une, melel ja' nax ta spisil te ay ta swenta spasel te ants-winiquetique.

Isaías 5:21

¡Ya me awil awocolic, ja'ex te ya acuy abaic te p'ijexe, soc te ya ana'ic q'uinal ta lec ta ac'opique!

Proverbios 14:27

Teme ya quich'tic ta muc' te Cajwaltique, ja' sloq'uibja' c'oem yu'un jcuxlejaltic; ya yac'otic ta libre ta slazoil te lajele.

Romanos 11:25

Quermanotac, ya jc'an te ya ana'ic stojol in c'op to, te ma ac'ot ta na'el ta neelal toe. Ya me calbeyex awaiyic, swenta yu'un ma ba ya atoy abaic yu'un te ac'oplalique. Melel te sts'umbal Israele tulanuben yo'tanic ja' to teme ochic spisilic te mach'atic jyanlumetique.

Nehemías 5:15

Pero te yantic ajwaliletic te neel c'axique, mero bayal la yac'beyic swocol te yajwal te lume. Melel ta jujun c'aal la sc'anbeyic cha'winic (40) ta jsejp plata, swenta yu'un ya sman swe'elic a soc yu'un ya sman te bila ya yuch'ic a. Soc ma ja'uc nax, jichic te abatetic yu'unique, ay swocol yu'unic te yajwal lume. Pero te jo'one, ma jichuc la jpas, melel ay ta co'tan te ya x'ich'ot ta muc' cu'un te Diose.

Éxodo 20:20

Te Moisés la sjac': —Ma me xiwex, tal nax yaiybeyex awo'tanic te Diose. Jich me ya sc'an ya axi'ic swenta yu'un ma xale amulic —xi'.

2 Samuel 12:20

Jich ora te David, jajch' ta lum, atin, la yac'bey sba perfume, la sjeltay sc'u'-spac', och bael ta templo ta xch'uunel te Cajwaltique. Patil bajt' ta sna, la sc'an swe'el.

Proverbios 8:13

Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Proverbios 14:16

Te mach'a ay sp'ijile, ya xi' te bila ma lecuque, ya sq'uej sba loq'uel ta stojol; yan te mach'a ma sna' q'uinale, ma'yuc bila ay sc'oplal ta yo'tan.

Proverbios 23:4

Ma me xawac' puersa ya x'ochat ta jc'ulej; ma me xawac' yu'uninbat awo'tan.

Proverbios 26:5

Sujt'esbeya sbol-c'op te mach'a ma sna' q'uinale, jich me ma scuy sba ta p'ij stuquel.

Proverbios 28:11

Te mach'a jc'ulej ya scuy sba ta mero p'ij; yan te me'ba te ay sp'ijil sjole, ya xju' ya spas ta prueba yil.

Proverbios 28:26

Te mach'a ma sna' q'uinal, yich'oj sba ta muc' yu'un te bila snopoj ta yo'tane; yan te mach'a ya x'at'ej soc sp'ijil yo'tan, libre ya xc'ot yu'un stuquel.