Proverbios 3:5 - Bible in Tzeltal de Oxchuc y Tenejapa

⁵ Ja' me ac'a smuc'ulin awo'tan ta lec te Cajwaltique, ma me ja'uc x'awich' aba ta muc' te sp'ijil ajole.

Bible in Tzeltal Bachajón

⁵ Jc'axel ac'a smuc'ulin awo'tan te Jehová, ma me xawich' aba ta cuenta yu'un te bin anopoj.

Proverbios 3:5 Referans Kwoze

Salmos 37:5

Ac'a aba ta sc'ab Cajwaltic soc acuxlejal; ja' me ac'a smuc'ulin awo'tan te Cajwaltique, ja' me ya xtal scoltayat stuquel.

Proverbios 28:26

Te mach'a ma sna' q'uinal, yich'oj sba ta muc' yu'un te bila snopoj ta yo'tane; yan te mach'a ya x'at'ej soc sp'ijil yo'tan, libre ya xc'ot yu'un stuquel.

Salmos 37:3

Ja' me ac'a smuc'ulin awo'tan te Cajwaltic, ja' me xapas te bila leque; ainan ta q'uinal soc junuc me awo'tan ta stojol.

Salmos 62:8

Jlumal, ja' ac'a smuc'ulin awo'tanic spisil ora stuquel; albeyaic wocol ta stojol ta mero spisil awo'tanic. Ja' anjibal stuquel te Dios cu'untique.

Isaías 12:2

Ja' Dios te ya scoltayone, ja' smuc'ulinej co'tan, ma xiwon. Te Cajwale, ja' anjibal cu'un soc ja' me quip, ja' jcoltaywanej cu'un —xaex me.

Salmos 37:7

Ch'aban me ta stojol Cajwaltic; junuc me awo'tan ta smaliyel te ya scoltayat stuquele. Ma me x'ilin awo'tan yu'un te mach'a ay lec bitic ya sta ta q'uinale, te mach'a ay bila amen te ya xchape.

Proverbios 3:7

Ma me jc'axeluc lom p'ij ya acuy aba; ich'a me ta muc' te Cajwaltique, ma me xawac' aba a te bila amene.

Jeremías 10:23

“Cajwal, ya jna' te ants-winiquetic te ma yu'unuc te xcuxlejalique, ma ja'uc ya spas mandal te bit'il ya xbajt' ta loq'uel te xcuxlejale.

Romanos 12:16

Junuc me awo'tan abaic spisil ora. Ma me toybauquex. Ja' ya sc'an te ya ajoin abaic soc te mach'atic peq'uel ayique. Ma me xacuy abaic ta p'ij atuquelic.

Salmos 125:1

Te mach'atic ja' ya yipin yo'tanic te Cajwaltic, ma'yuc mach'a ya xjinbot yo'tanic yu'un; pajal c'oemic soc switsul Sión te stalel jun yawil aye.

Jeremías 9:23

Te Cajwaltic ya yal: —Ma me toyemuc q'uinal ya yaiy te mach'a p'ije, ta scaj nax te sp'ijile; ma me jichuc ya spas te mach'a ay yipe, ta scaj nax te yipe; ma me jichuc ya spas te jc'uleje, ta scaj nax te sc'ulejale.

Proverbios 22:19

Yo'tic ya cac'bat ana' ta spisil, swenta yu'un ya me awac' smuc'ul awo'tan ta stojol te Cajwaltique.

Job 13:15

Manchuc me ya smilon stuquel te Diose, pero te jo'one ma xyanaj co'tan, ja' me ay sc'oplal ta co'tan te ya jtejc'an jba ta stojol ta yalel te bila ya jcoltay jba a.

Proverbios 23:4

Ma me xawac' puersa ya x'ochat ta jc'ulej; ma me xawac' yu'uninbat awo'tan.

Efesios 1:12

Yu'un jich la sc'an yo'tan te Diose, swenta yu'un te jo'otic te neel la jch'uuntic te Cristoe, ya me calbeytic te smuc'ul yutsilale te jayeb c'aal cuxulotique.

Números 9:20

Teme jun cheb nax c'aal ay tocal ta sba te ch'ul awilal, teme la yal mandal te Cajwaltic, jajch'ic ta beel, soc teme la yal xan mandal ta yan buelta, jich la scom sbaic ta beel.

Números 9:22

Teme la scom sba ta sba te ch'ul awilal te tocal, teme cheb c'aal, teme jun u, o teme jun ja'wil, jich jun nax yo'tanic la spas scampamentoic, ma ba jelawic bael. Ja'uc me to, teme jajch' ta beel te tocale, jich yu'un te israeletic jajch'ic ta beel.

Esdras 8:23

Ja' yu'un la jcom jwe'eltic, la caltic wocol ta stojol Dios yu'un spisil in to. Te Diose la yich'botic ta wenta te jc'optique.