Proverbios 3:4 - Bible in Tzeltal de Oxchuc y Tenejapa

⁴ Jich me lec ac'oplal ya xc'oat yu'un, soc ya me yich'at ta wenta te Diose soc te ants-winiquetique.

Bible in Tzeltal Bachajón

⁴ hich yac ata a te lec yo'tan awu'un soc te lec ac'oblal ta stojol Dios soc ta stojol ants-winiquetic.

Proverbios 3:4 Referans Kwoze

San Lucas 2:52

Yanyan ta ch'iel te Jesuse, soc yac ta esmajel te sp'ijile. Yanyan ta toyel yutsil yo'tan ta stojol te Diose soc ta stojol te ants-winiquetic.

Romanos 14:18

Te mach'a jich ya yac' sba ta abatinel yu'un te Cristoe, ja' lec yo'tan yu'un te Diose, soc lec sc'oplal yu'un uuc te ants-winiquetique.

1 Samuel 2:26

Pero te querem Samuel yan yan ta muc'ubel. Buen lec sc'oplal ta stojol Dios soc ta stojol te ants-winiquetique.

Salmos 111:10

Ja' smuc'ul sp'ijil co'tantic Ja' te ya quich'tic ta muc' te Diose; te mach'atic ya yich'ic ta muc', ya x'ac'bot sp'ijil yo'tanic yu'un. Te Diose ay ta alel yutsil sc'oplal sbajt'el q'uinal.

Génesis 39:21

Ja'uc me to, sjoinej Cajwaltic te José, c'uxtaybil yu'un tey a, soc la yac' ta c'uxtayel yu'un te jcanan-chucjibale.

Hechos 2:47

Spisil ora la sc'ajintaybeyic yutsilal te Diose, soc lec sc'oplalic yu'un spisil te lume. Te Cajwaltique yan yan ta esmajel yu'un jujun c'aal te jch'uunjeletique, chican jich yipal te ya staic scolelique.

Daniel 1:9

Ta swenta bit'il at'ejemix Dios ta stojol te jwentainwanej yu'un j'at'eletic, buen lec yo'tan ta stojol Daniel.

2 Corintios 8:21

Jich me ya jtsajtaytic te ma me ayuc falta ya jtatic ta stojol te Diose soc ta stojol te ants-winiquetique.

Proverbios 8:35

Melel te mach'a ya staone, la me sta xcuxlejal stuquel; soc ya yac' lecubuc yo'tan ta stojol te Cajwaltique.

Proverbios 12:2

Te mach'a lec yo'tan, lec sc'oplal yu'un Cajwaltic; yan te mach'a ma lecuc bila snopoj ta yo'tane, ya yac'bey castigo yu'un.

Proverbios 13:15

Te mach'a ya sna' stsael te bila leque, ja' ya x'ac'ot ta ich'el ta muc' yu'un; yan te mach'atic c'ax amen yo'tanique, ja' st'unojic bael te sjinelique.

1 Samuel 2:21

Te Cajwaltic la yac'bey bendición te Ana, jich la yic' xan yal. Ayin xan oxeb squerem-alatac soc cheb yantsil-alatac. Jich te alal Samuel, yan yan ta muc'ubel ta stojol te Cajwaltique.