Proverbios 3:25 - Bible in Tzeltal de Oxchuc y Tenejapa

²⁵ Ma me xiwat yu'un te lajel te ora nax ya xtale, soc ni ja'uc te jinel ya xtal ta stojolic te mach'atic amen yo'tanique;

Bible in Tzeltal Bachajón

²⁵ Ma ba yac axi' jinel te ora nax ya xtal o te jinel ya xtal ta stojol te mach'atic chopolic,

Proverbios 3:25 Referans Kwoze

Salmos 112:7

Ma xiw yu'un teme ay ma lecuc c'op ya xjul ta stojole; ts'unul ta lec yo'tan, ja' smuc'ulinej yo'tan te Cajwaltique.

1 Pedro 3:14

Manchuc teme ya xc'ax awocolic yu'un te bila lec ya apasique, ja'uc me to, bin nax me awutsilic yu'un. Ma me xiwex yu'un teme ay bila ya sc'an ya spasbeyexe, soc ma me x'ayan awo'tanic yu'un.

Salmos 91:5

Ma x'axi' te bitic ya xiwteswan ta ajc'ubal, ma me xiwat yu'un te t'im te ya yich' t'imuyel ta c'aaleltique,

San Juan 14:1

Te Jesús la yal: —Ma me xawac' woclajuc te awo'tanique. Ch'uunaic te Diose, soc ch'uunawonic uuc te jo'one.

San Marcos 4:40

Te Jesús la sc'opon te jnopojeletique: —¿Bi yu'un te ya xiwexe? ¿Bit'il ay a te ma'yuc xch'uunjel awo'tanique? —la yut.

San Mateo 24:6

Soc ya me awaiyic stojol te ay guerra lum to soc te ay guerra ta c'ubule, ja'uc me to, ma me xnijc' awo'tanic yu'un. Melel puersa me jich ya xc'ot ta pasel, ja'uc me to, ma to ja'uc te slajibal c'aale.

Salmos 73:19

Ta ora nax me lajem ya xjilic. Ya me xlajinotic yu'un te xiwele.

San Lucas 21:9

Teme ya awaiyic stojol te jajch'emix bayal c'op soc guerra, ma me xnijc' awo'tanic yu'un. Melel puersa me neel ya xc'ot ta pasel, ja'uc me to, ma to ja'uc te slajibal c'aale —xi' te Jesuse.

San Mateo 24:15

“Te j'alwanej yu'un Dios te Daniel sbiile, la yalbey jilel sc'oplal te jinwanej te ya sboltes te ch'ul awilale. (Te mach'a ya yil te bila ts'ibubil li'to, ac'a me sna' stojol.) Te c'alal ya awilic te ya xc'ot ta pasel te bila la yale,

Proverbios 1:27

c'alal ya xtal ta atojolic bayal xiwel soc chujc'ul c'opetic, mel-o'tan soc xc'uxul woclajel, jich bit'il sutu-ic' te spisil ya slajine.

Isaías 54:14

Te toj-o'tanile ja' ya yac'bat atulanil, jich me ma'yucat ta uts'inel soc xiwel; te tulan xiwel ma ba ya xnoptsaj xan ta atojol.

Miqueas 4:4

Ma me ayuquix xiwel ya yaiyic ta spisilic; juju-jtul ya me xju' xcux yo'tanic ta yaxinal sts'usub soc ta yaxinal higuera yu'un. Ja' me sc'op stuquel te Cajwaltic te Spisil ya xju' yu'une.

Zacarías 9:8

Chapalon me yu'un scoltayel te mach'atic cu'une. Ya me jcoltay ta sc'ab mach'auc a te ya xc'ax ta uts'inwaneje. Ma me ba ya xcha'uts'inwanix, jo'on me ya jcanantayix, te mach'atic cu'un ya me quilix ta spisil ora —xi' te Cajwaltique.