Proverbios 3:21 - Bible in Tzeltal de Oxchuc y Tenejapa

²¹ Jnich'an, spisiluc me ora tsajtaybil ya xc'opojat, ma me xch'ay awu'un te nacal-o'tanile,

Bible in Tzeltal Bachajón

²¹ Jnich'an, ma me xawihquitay te bintic ay ini: canantaya te p'ijil-o'tanil soc te stsahtayel;

Proverbios 3:21 Referans Kwoze

Josué 1:8

Alulaya te bila ya yal ta libro yu'un te mandaliletique, na'ulaya me c'aal ajc'ubal. Ich'a ta muc' soc c'otesa ta pasel te bitic ya yalbat, jich me lec ya xc'oat ta loq'uel soc spisil te bitic ya apase.

Proverbios 4:21

Ma me ayuc bi ora ya ach'ay asit a, q'ueja me ta ajol soc ta awo'tan.

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.

1 Juan 2:27

Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

San Juan 8:31

Jich yu'un te Jesuse la yalbey te judioetic te xch'uunejiquixe: —Teme jc'axel ya awac' ta awo'tanic te jc'op la calbeyexe, jich me jnopojelex cu'un ta melel abi.

Proverbios 2:7

Te Cajwaltic ya scoltay soc ya scanantay te mach'atic toj ya yac' sbaic soc te ma'yuc bila amen ya spasique;

1 Juan 2:24

Te bila awaiyojic stojol ta xjajch'ibal tele, jc'axel ainuc me ta awo'tanic. Teme jc'axel ya awac' ta awo'tanic te bila la awaiyiquix stojol ta xjajch'ibale, jich me jc'axel jun ayex soc te Nich'anile soc te Tatile.

Proverbios 1:4

soc te ya x'ac'bot sp'ijil yo'tanic te queremeticte ma'yuc bila sna'ojic, te ya yich' ac'beyel sp'ijil sjolic, soc ac'beyel snop ta yo'tanic te bila t'ujbil ta pasele.

Proverbios 5:2

Jich me ya ana' stsajtayel aba ta lec a; soc na'biluc me awu'un ta lec te bila ya awal te c'alal ya xc'opojate.

Proverbios 8:14

Jo'on ay ta jwenta te bila lec ya yich' chapele, jo'on ya cac' c'otuc ta pasel, jo'on te chajbajibalon soc te ay quipe.

Proverbios 18:1

Te mach'a t'ut'e, stuquel ya sle te bila ya sc'an yo'tane, ma xyich' ta muc' spisil te lequil tojtesele.

Proverbios 4:6

C'uxuc me ta awo'tan te p'ijil-o'tanile, ma me xach'ay jilel, melel ja' me ya scanantayat stuquel.

Proverbios 19:8

Te mach'a ya sle te p'ijil-o'tanile, ja' ya xc'uxtay a te xcuxlejale; soc te mach'a ya sq'uej te sp'ijil sjole, lec ya xc'ot ta loq'uel.