Proverbios 3:2 - Bible in Tzeltal de Oxchuc y Tenejapa

² jich me najt' aworail ya xcuxinat soc bin nax me awo'tan ya xc'axat ta q'uinal.

Bible in Tzeltal Bachajón

² yu'un hich ya xnahtij aworahil te ya xcuxajat soc ya ya'bat bayel awutsil alequil.

Proverbios 3:2 Referans Kwoze

Proverbios 4:10

Ich'bon ta muc' te jc'ope, jnich'an; u'unina, jich me ya xnajt'aj xan a te jayeb ja'wil ya xcuxinate.

Proverbios 9:11

Ja' nix ta swenta te p'ijil-o'tanil te bayal ja'wil ya xcuxinat yu'une, jich me ya xnajt'aj xan bael aworail yu'un.

Salmos 91:16

Ya me cac'bey smulan najt' xcuxlejal ta q'uinal; ya me cac'bey smulan ta lec te coltayel cu'une”, xi' te Cajwaltique.

Romanos 15:13

Te Diose, ja' yac'oj smuc'ul co'tantic ta smaliyel, ac'a snojesbeyex bayal sbujts' awo'tanic soc lamaluc me q'uinal awaiyic ta stojol ta swenta te bit'il ach'uunejique. Jich me jelawen to xan ay smuc'ul awo'tanic ta smaliyel ta swenta yu'el te Ch'ul Espiritue.

Salmos 128:6

soc te yacuc awil te amamataque. ¡Ac'a lamajuc q'uinal ta stojol Israel!

Salmos 119:165

Te mach'atic c'ux ya yaiy ta yo'tan te p'ijubtesel awu'un, mero lamal q'uinal ta stojolic, ma'yuc bila ya stsalot yu'un.

Proverbios 10:27

Te mach'a ya yich' ta muc' te Cajwaltique, ya xnajt'aj xcuxlejal yu'un; yan te mach'a amen yo'tane, ya xcombot xcuxlejal stuquel.

1 Timoteo 4:8

Melel ma'yuc lec swentail teme ay bila ya c'ajtes jbaq'uetaltic ta spasele. Yan teme ya c'ajtes jbatic ta xch'uunel te Diose, ja' ay bayal sc'oplal stuquel, te melel ya me xcuxinotic yu'un li'to ta balumilal soc ta sbajt'el q'uinal.

Romanos 5:1

Ta swenta te xch'uunjel co'tantique, libre c'oemotiquix yu'un te jmultique. Jich me junajemix co'tantic soc te Diose, ta swenta nax te Cajwaltic Jesucristoe.

Salmos 21:4

La sc'anbat xcuxlejal, jich la awac'bey; najt'il cuxlejal la awac'bey te ya xjalaje.

Romanos 14:17

Melel te bit'il ay ta ajwalinel te Diose, ma ja'uc ta swenta jwe'el-cuch'eltic. Ja' nax ta swenta te bila toje, te lamal q'uinale soc te ay sbujts' co'tantic ta swenta te Ch'ul Espiritue.

Isaías 32:17

Te stojil chajbanele, ja' ya yac' lamal q'uinal, senel q'uinal soc smuc'ul-o'tanil ta sbajt'el q'uinal.

Job 5:26

Ay to awip a te c'alal ya xmamalubat, jichat me te bit'il jtom trigo te staoj syijil ta leque.

Deuteronomio 11:21

swenta yu'un te acuxlejalic soc te xcuxlejalic te awal-anich'nabic jich snajt'il ya xc'ot te bit'il jayeb c'aal cuxul te ch'ulchan te ay ta sba balumilal, te la yalbey te antiguo ats'umbalic te ya yac'bey te Cajwaltique.

1 Reyes 3:14

Teme ja' ya at'unbon te jbe, teme ja' ya apas te mandaliletic cu'une, soc teme ja' ya apas te bitic caloje, jich te bit'il la spas te David te anima atate, ya cac'bat najt' acuxlejal —xi' sc'oplal.

Proverbios 16:31

Teme saquix sjol, ja' slequil corona, te ac'botix yu'un te bit'il lec yo'tan soc lec yat'el.

Deuteronomio 5:32

Ja' yu'un ch'uunaic spasel spisil ora te smandal Cajwaltic te Dios cu'untique, ma me xjowejex ta spasel ni jxujt'uc.

Proverbios 4:4

soc te jtate la sp'ijubteson, jich la yalbon: “Ac'a me ta ajol, ac'a me ta awo'tan te c'opetic cu'une; pasa te bila ya cac'bat apase, jich me ya xcuxinat.