Proverbios 3:10 - Bible in Tzeltal de Oxchuc y Tenejapa

¹⁰ jich me mero nojel ya xjil a te stsobjibal soc te yawil te vino awu'une.

Bible in Tzeltal Bachajón

¹⁰ hich me ya xnoj a te stsobojibal te sit ats'unub, soc ya me xnoj ta yach'il vino te yawil awu'une.

Proverbios 3:10 Referans Kwoze

Proverbios 19:17

Te bila ya cac'beytic smajan te me'ba, ja' ya cac'beytic smajan te Cajwaltique; soc ja' nix ya stojbotic te Cajwaltic te betile.

Deuteronomio 28:8

“Te Cajwaltic ya me yac'bat bendición ta snail te sit awawal-ats'unub, soc nix ta spisil te bitic ya apase, soc mero bin nax awo'tan ya yac' nainucat ta lumq'uinal te ya yac'bate.

Proverbios 22:9

Te mach'a soc yutsil yo'tan ya yil yan, ya me x'ac'bot bendición ta swenta bit'il ya yac'bey swe'el te me'baetique.

Joel 2:24

Ya me xloc' lec sit atrigoic, bayal me ya x'esmaj te aceite awu'unic, soc tsobol me ya x'esmaj te vino awu'unique.

San Mateo 10:42

Soc te mach'a ya yac'bey yuch' junuc tasa siquil ja' te mach'atic peq'uel sc'oplalic ta scaj te jnopojel cu'une, jamal ya calbeyex, ma xch'ay te smajt'an ya yich'e —xi' te Jesuse.

Hageo 2:19

Yo'tic aiya me awaiyic ja'ex, yo'tic nix ma me ba ya spasix falta ta yawil te sit awawal-ats'unubique. Ma to ba yac'oj sit te ts'usubil, te higuera, te granado, ni ja'uc te olivoe, pero yo'tic ya cac'bey bael bendición ta spisil”, xi' te Cajwaltique —xi'.

2 Crónicas 31:21

Ta spisil te bi la spas ta swenta abatinel ta templo yu'un Dios, soc ta swenta spisil te mandaliletic, mero jun nax yo'tan ta spasel ta swenta te Diose, jich yu'un mero lec c'ot ta loq'uel.

Salmos 144:13

Te snail jwe'eltic nojelic ta jyalel yu'un spisil ta jchajp we'eliletic. Te chijetic cu'untic ta jmil yacal ta esmajel bael; bayal ta jmil ayic ta aquiltic cu'untic.

Deuteronomio 14:29

swenta yu'un te c'alal ya xtal te levitaetic te ma'yuc sq'uinalique, o ja' te jyanlumetic te nainemic ta awolilic, o ja' te me'ba alaletic soc te me'ba antsetique, ya me swe'ic ja' to me teme noj xch'ujt'ique. Te Cajwaltic te Dios cu'untique ya me yac'beyex bendición ta spisil te bitic ya apasique.

2 Crónicas 31:10

Jich yu'un te muc'ul sacerdote Azarías, te sts'umbal Sadoc, la sjac': —Ja' to c'alal jajch'ic yich'el tel te spatanic ta templo yu'un Cajwaltic, mero c'ax tic' a te bit'il yacotic ta we'el tele, bayal to la spas sobrail ta jyalel. Spisil in yipalic to spasojix sobrail, melel te Cajwaltic yac'ojbeyix bendición te lum yu'une —xi' te muc' sacerdote.