Proverbios 3:1 - Bible in Tzeltal de Oxchuc y Tenejapa

¹ Jnich'an, ma me xch'ay ta awo'tan te p'ijubtesel cu'une; q'ueja me ta ajol, q'ueja me ta awo'tan te mandaliletic cu'une,

Bible in Tzeltal Bachajón

¹ Jnich'an, ma me xch'ay ta awo'tan te nohptesel cu'un; q'ueja ta awo'tan te mandariletic cu'une,

Proverbios 3:1 Referans Kwoze

Proverbios 4:5

Ich'a me te sp'ijil awo'tan soc sp'ijil ajol, jich me ya ana' a te bila toj ta pasele; ma me xach'aybon ta awo'tan te jc'ope.

Salmos 119:16

Bin nax co'tan yu'un te mandaliletic awu'un; ma xch'ay ta co'tan te ac'ope.

Proverbios 1:8

Jnich'an, aiybon me awaiy te p'ijubtesel cu'un te atatone, soc ma me xach'aybey te tojtesel yu'un te ame'e.

Salmos 119:93

Ma'yuc bi ora ya xch'ay ta co'tan te mandaliletic awu'un, melel ja'ic te ya awac'bon jcuxlejal yu'une.

Salmos 119:34

Ac'bon sp'ijil co'tan yu'un ya me cac' ta co'tan te p'ijubtesel awu'un; ya jc'an ya jch'uun spasel ta spisil co'tan.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Salmos 119:11

Cac'oj ta co'tan te ac'ope swenta yu'un ma jta jmul ta atojol a.

Deuteronomio 8:1

“Pasaic bael te mandaliletic yacon ta yalel ta atojolic ta ora in to, swenta yu'un jich me ya xcuxinex a, soc jich me muc'ul lum ya xc'oex. Jich me ya xju' awu'unic stsalel te yajwal te lumq'uinal la yal Cajwaltic ya x'ac'botic te antiguo jme'-jtatique.

Salmos 119:153

Ilbon awil te jwocol, coltayawon, melel ma ba ch'ayem ta co'tan te p'ijubtesel awu'une.

Oseas 4:6

Te lum cu'un ma'yuc bi sna'oj, ja' swentail te la yich'ix jinele. Sacerdote, ja'at la ach'oj bael te bila ay ta na'ele, jich yu'un te jo'on ya jch'ojat loq'uel ta sacerdoteil. Melel ya xch'ay ta awo'tan te p'ijubtesel yu'un te Dios awu'une; jich me ya xch'ay ta co'tan te ats'umbale.

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.

Salmos 119:176

Ch'ayemon jichuc jcojt' chij, la' me, leawon, yu'un ma ba ch'ayem ta co'tan te mandaliletic awu'une.

Deuteronomio 4:23

Jich yu'un ya me sc'an te ya atsajtay abaic, ma me xch'ay ta awo'tanic te trato la xchajban ta jtojoltic te Cajwaltic te Dios cu'untique. Ma me xapas awajcanan, soc ma me xapasbeyic sloc'ombail te bitic la scomex ta spasel te Cajwaltic te Dios cu'untique,

Proverbios 31:5

Melel ya me xch'ay ta yo'tanic te mandaliletique, jich ma ba lec ya xchajbanic a te mach'a mero pec'ajtique.

Isaías 51:17

Wic'a asit, wic'a asit, Jerusalén, jajch'an. Ja'at la awaiybey swocolil yilimba te Cajwaltic, jich me c'oem te mach'a ya yuch' junuc copa, te ya yuch' sjunal ta jyalele, ja' to c'alal ya xyacub jilel.

Éxodo 20:6

Yan te mach'atic c'uxon ta yo'tanic te ya xch'uunbonic te jmandale, ya jc'uxtay jmil ta caj soc yal-snich'anic stuquelic.

Salmos 91:16

Ya me cac'bey smulan najt' xcuxlejal ta q'uinal; ya me cac'bey smulan ta lec te coltayel cu'une”, xi' te Cajwaltique.

Salmos 119:61

Ta sjoylejal la yac'bonic spejts'ul te mach'atic amen yo'tanic; ja'uc me to, ma ba jch'ayoj ta co'tan te p'ijubtesel awu'une.

Proverbios 2:1

Jnich'an, u'uninbon me te c'opetic cu'une; q'ueja me ta ajol, q'ueja me ta awo'tan te mandaliletic cu'une.

Proverbios 4:2

Jo'on me la cac'beyexix buen lec p'ijubtesel, ja' yu'un ma me xach'aybon ta awo'tanic te ap'ijubteselic cu'une.

Proverbios 16:31

Teme saquix sjol, ja' slequil corona, te ac'botix yu'un te bit'il lec yo'tan soc lec yat'el.

Proverbios 23:26

Jnich'an, ac'a asit ta jtojol, ja' me xanopbon te bila ya jpas ya awile.

Deuteronomio 5:16

“Ich'a ta muc' te ame'-atate, jich me xach'uun spasel te bit'il la yalbat apas te Awajwal te Dios awu'une, swenta yu'un najt' me ya xcuxinat, soc jich me buen lec awo'tan ya x'ainat tey ta aq'uinal te ya yac'bat te Awajwal te Dios awu'une.

Deuteronomio 5:33

Ja' me xat'unic te be la yac'beyex awilic Cajwaltic te Dios cu'untique, swenta yu'un jich me lec ya x'ainex a, soc jich me ya xnainex bayal ja'wil ta lumq'uinal te ya yac'beyex awu'uninique.

Proverbios 4:21

Ma me ayuc bi ora ya ach'ay asit a, q'ueja me ta ajol soc ta awo'tan.

Proverbios 8:1

Te p'ijil-o'tanil yac ta c'op; te p'ijil jolol ya yac' ta aiyel te sc'ope.

Proverbios 9:1

Te p'ijil-o'tanil la spas sna; la yac'bey juqueb oyetic.