Proverbios 28:1 - Bible in Tzeltal de Oxchuc y Tenejapa

¹ Te mach'a amen yo'tan ya x'an bael, manchuc me ma'yuc mach'a ya xnutsot yu'un; yan te mach'a toj yo'tane, jun yo'tan ay jichuc león-choj.

Bible in Tzeltal Bachajón

¹ Te mach'a chopol yo'tan ya x'ahn bahel aunque mayuc mach'a ya xnutsot yu'un; yan te mach'a toj yo'tan, jun yo'tan ay hich te bin ut'il choj.

Proverbios 28:1 Referans Kwoze

Deuteronomio 28:7

“Te Cajwaltic ya me yac'bat ta ac'ab te acontrotac te c'alal ya yac'bat guerra. Ya me xnoptsajic tel ta atojol, mero chapalic ya xtalic, pero ya me xloq'uic ta anel ta atojol, ya me xpujc' bael ta anel.

Salmos 53:5

Manchuc me ma'yuc bila chican ta xi'el tey a te ya yac' nijq'uele, pero jajch'ic ta nijq'uel yu'un xiwel; melel Dios la spucbey sbaquel te controetique. Jilic ta q'uexlal melel ch'ayotic jilel yu'un te Diose.

Salmos 112:7

Ma xiw yu'un teme ay ma lecuc c'op ya xjul ta stojole; ts'unul ta lec yo'tan, ja' smuc'ulinej yo'tan te Cajwaltique.

1 Tesalonicenses 2:2

Jich bit'il awaiyojic stojol te ach' to nax c'ax jwocol ta jowil uts'inel ta bay lum Filipos, ja'uc me to, te Diose la yac'bon yip co'tan ta xcholel ta atojolic te lec yach'il c'op ta bay yolilal te controinele.

Hechos 4:13

Te jwolwanejetic la yilic te ma ba yacalic ta xiwel te Pedro te Juane, soc la sna'ic te ma'yuc banti p'ijubtesbilic ta yilel te june, soc te joch-winiquetic naxe. Jich bayal ayan yo'tanic yu'un, soc la sna'ic te ma'yuc banti p'ijubtesbilic ta leque soc te joch-winiquetic naxe.

Hechos 14:3

Ja'uc me to, ay bayal c'aal jalajic tey a. Ay yip yo'tanic yu'un te Cajwaltique, jich ju' yu'unic yalel te bit'il ayotic ta c'uxtayel ta jpisiltic yu'un te Cajwaltique. Ja' la yac' ta ilel te bit'il melel te bila la yalic ta swenta bit'il la yac'bey yu'elic ta spasel te jchajp at'eliletique soc te señailetique.

Jeremías 20:4

Melel te Cajwaltic ya yalbat: “Ya me cac' te ja'at nix ya axiwtes aba atuquel soc ta spisil te ajo'taque. Ta mero asit atuquel, te ajo'tac ya me xlajic ta spuñal te scontrotaque. Ya me cac' ta c'abal spisil yajwal te Judá ta sc'ab te muc' ajwalil yu'un Babilonia, te ya x'ic'otic bael ta Babilonia, o teme ya xlajic ta milel ta cuchillo.

Levítico 26:36

“Te ja'exe, teme ay to cuxulex jilel tey ta slumal te acontroique, ya me cac' taluc xiwel ta awo'tanic. Manchuc me jun nax yabenal te' xchajlujet ya xc'ot ta lum te c'alal ya xyal coele, ya me axi'ic. Ya me xloq'uex ta anel, jich te bit'il tenbilex ta puñal ya awaiyique.

Deuteronomio 28:25

soc teme jc'axel la stenat te acontrotaque. Ya x'ochex bael ta stojolic, buen lec me ya achol ochel abaic, pero ya me xpujq'uex bael ta anel ta stojolic, ya me awac'bey xiwel yantic ajwaliletic ta q'uinal.

2 Reyes 7:15

La st'unbeyic bael yacan te siriaetic c'alal ta muc'ja' Jordán. La yilic te xch'ixil be ay bayal c'u'il-pac'aletic soc yantic biluquetic te ch'ojbil jilel yu'unic te siriaetic ta scaj te sujoj sbaic ta anel, swenta ma x'ochic ta c'abal a. Patil sujt'ic tel te mach'atic la sticun te muc' ajwalile, jul yalic te bi la yilique.

Isaías 7:2

Jich yu'un c'ot c'op ta stojol te muc' ajwalil Acaz soc te mach'atic ay yu'une: “Te siriaetic xchapojix sc'op soc Efraín”, xi'. Ja' yu'un te muc' ajwalil soc te lume jajch'ic ta nijq'uel, jich bit'il te'etic ta ja'mal yu'un te iq'ue.

Éxodo 11:8

Te ajo'tac ta ajwalile ya laj me xtal squejan sbaic ta jtojol ta sc'anel te ya quic' loq'uel ta ora spisil te jlumale. Ja' to me ya xboon abi —xi' te Moisese. Bayal ilinem loq'uel Moisés ta stojol faraón.

Levítico 26:17

Jo'on me ya jcontroinex, ya me stsalex te acontroique, ya me yabatinex te mach'atic ay slab yo'tan awu'unique, ya me xloq'uex ta anel manchuc ma'yuc mach'a ya snutsex.

Nehemías 6:11

Pero jich la calbey: —Te jo'one ma x'anon, soc ma x'ochon ta templo yu'un ya jxi' milel. Te jo'one, ma ba ya jnac' jba ta templo —la cut.

Proverbios 27:27

te sme' tentsunetic awu'un, ay me sleche te ya amac'lin aba soc a te mach'atic ay awu'une, soc nix spisil te mach'atic ayic ta abatinel awu'une.

Isaías 30:17

Jmil ta jtul ya x'anex bael ta swenta jtul nax winic te ya xiwtesexe, soc apisilic ya x'anex bael ta swenta jo'tul nax winiquetic, ja' to me chican jteb xanix ya xjilex jich bit'il te' ya xjil ta sba wits, o jich bit'il bandera teq'uel ya xjil ta bujul wits.

1 Reyes 1:49

Te jayeb ic'bil yu'un Adonías jajch'ic ta nijq'uel. Ora jajch'ic ta spisilic, ta juju-jtul bajt'ic ta snaic.

Job 15:21

Teme ay bila ya yaiye, ya xiwtesot yu'un ta ora; te c'alal mero jun yo'tan a, ya x'elc'anbot sbiluc yu'un j'eleq'uetic.

Salmos 53:6

Ja'uc ta wits Sión ya xtal scolel te lum Israel. Te bi ora ya stam jajch'el te lum yu'un te Cajwaltique, bin nax me yo'tanic ya xc'otic yu'un te sts'umbal Jacob, ja' ta spisil te lum Israele.

Proverbios 10:9

Te mach'a ma'yuc bila amen ya spase, ma'yuc bi ya xi'; yan te mach'a ma lecuc te yat'ele, ya me xlajinot yu'un.