Proverbios 27:8 - Bible in Tzeltal de Oxchuc y Tenejapa

⁸ Jich bit'il ja'mal mut te q'uejel yijq'uitayej jilel te specheche, ja' nix jich te mach'a c'ubul ay ta beel te yijq'uitayej jilel te slumale.

Bible in Tzeltal Bachajón

⁸ Hich te bin ut'il ha'mal mut te ya yihquitay hilel te spechech, hich ay te mach'a ya yihquitay hilel te slumale.

Proverbios 27:8 Referans Kwoze

Isaías 16:2

Te yajwal Moab, pajalic soc te ja'mal mutetic te ya xiwic loq'uel ta anel ta spechechique, te ya xc'axic bael ta tec'oja' yu'un muc'ja' Arnón.

Proverbios 21:16

Te ants-winic te ma st'un te sbelal te p'ijil c'ope, ya me xc'o stejc'an sba ta yolilic te mach'atic lajemique.

1 Corintios 7:20

Juju-jtulex jichuc ya x'ainex te bit'il la yiq'uex te Diose.

Jonás 1:3

Pero te Jonás ma jichuc la spas. Loc' ta anel ta stojol Cajwaltic, c'an bajt'uc ta Tarsis. Jich bajt' ta banti ya xloc' barcoetic ta Jope. Tey c'o sta jun barco a te baelix ta Tarsis. Jich la stoj spasaje ta ora. Och ta barco, bajt' te Jonase. Jich c'an loc'uc ta anel ta stojol te Cajwaltique.

1 Reyes 19:9

C'alal c'ot, och bael ta nailch'en, tey c'ax yu'un a te ajc'ubale. Pero te Cajwaltic c'oponot yu'un, jich albot: —¿Bi ya apas li'to, Elías? —xi' sc'oplal.

1 Samuel 22:5

Te Gad, te j'alwanej yu'un Dios, la yac'bey consejo te David: —Ma me x'ainat li' ta anjibal ch'en ta banti ayotique. Jajch'an ta beel, baan ta sq'uinal Judá —xi'. Jich bajt' te David, c'ot ta toyem te'tiquil Haret.

Proverbios 26:2

Jich bit'il ja'mal mut te bayuc ya xbajt'e, soc jich bit'il ulich te ma'yuc spechech, ja' nix jich teme ma'yuc swentail te bolc'optayele, ma'yuc bila ya xc'ot ta pasel yu'un.

Génesis 4:16

Jich a loc' ta stojol Dios te Caín, ba nainuc ta Nod ay ta stojol sloq'uib c'aal yu'un Edén.

Judas 1:13

Pajalic soc sbul mar te bayal sbolilal te q'uexlaltic sba te bila ya spasique. Pajalic soc eq'uetic te jowejemic ta beele te chapal sc'oplalic te ya xba ainuquic sbajt'el q'uinal ta bay mero ijc' nax te q'uinale.

Génesis 21:14

Ta buen sab jajch' te Abrahame. La yich' tel we'elil, soc jun yawil ja' nojel ta ya'lel te pasbil ta nujc'ul, la yac'bey xcuch bael te Agare. Soc la yac'bey ta sc'ab te yale, la sticun bael soc. Jich a bajt' te Agar, loc' bael ta melmonel ta jochol taquin q'uinal ta nopol Beerseba.

Proverbios 27:7

Te mach'a nojel xch'ujt', ma'yuc bi ya sc'an, ni ja'uc te chabe; yan te mach'a ay ta wi'nale, bujts'an ya yaiy te bila ch'ae.

1 Reyes 11:22

Te faraón jich la yal: —¿Bi yu'un te ya ac'an ya sujt'at bael ta alumale? ¿Yu'un bal ay bila ya spasat falta cu'un li'to? —la yut. La yal te Hadad: —Ma'yuc bi ya spason falta, pero wocoluc, ac'awon sujt'el —xi'.