Proverbios 27:12 - Bible in Tzeltal de Oxchuc y Tenejapa

¹² Te mach'a ay sp'ijile ya yil te bila chujc'ule, jich ma xyac' sba a; yan te mach'a ma stsajtay sbae, ya xc'ax bael ta ora, jich ya xc'ax swocol yu'un te bila ma lecuc ya stae.

Bible in Tzeltal Bachajón

¹² Te mach'a p'ij yo'tan, c'alal ya yil te bin chopol, ya snac' sba ta stojol, pero te mach'a ma stsahtay sba ya sohl xan bahel, ya xc'ax swocol yu'un.

Proverbios 27:12 Referans Kwoze

Proverbios 22:3

Te mach'a p'ij yo'tan ya yil te bila chujc'ule, jich ma xyac' sba a; yan te mach'a ma p'ijuc yo'tane, ya xc'ax bael ta ora, jich ya xc'ax swocol yu'un te bila ma lecuc ya stae.

Proverbios 18:10

Muc' sc'oplal te Cajwaltic, jich te bit'il toyol ts'ajc'; te mach'atic toj yo'tanic ya me xbajt'ic ta stojol ta sleel canantayel.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

2 Pedro 3:7

Yan ta ora to, te ch'ulchan balumilal te chicane, quechelic ta lajel ta c'ajq'uel. Ya me xlaj ta c'ajq'uel te bi ora ya x'ich'otic ta c'op te mach'atic ma la xch'uunic te Diose, te jich ya x'ac'otic bael ta lajele.

San Mateo 3:7

Te Juane la yil te tsobol fariseoetic soc saduceoetic te talemic yu'un te ya yac' sbaic ta ich'ja'e. Jich la yalbey yaiyic: —Te ja'exe, ja' sts'umbalex c'oem te jti'awal chanetique. ¿Mach'a la yalbeyex awaiyic te ya xju' ya acoltay abaic loq'uel ta swenta te tulan castigo te nopol ayixe?

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.

Proverbios 27:11

Jnich'an, ayuc me ap'ijil, jich me ya awac' bujts'najuc co'tan; jich me ya xju' jsujt'esbey sc'opic a te mach'atic ya sbolc'optayonique.

Proverbios 27:13

Te mach'a ya stejc'an sba yu'un sbet te mach'a jyanlume, pojbeya te sc'u'e, ich'a bael ta prendal.