Proverbios 26:7 - Bible in Tzeltal de Oxchuc y Tenejapa

⁷ Ma c'ubuluc ya xbeen te coxoe, scaj te ma lecuc te yacane; ja' nix jich te mach'a ma sna' q'uinale, ma sna' yalel p'ijil c'opetic.

Bible in Tzeltal Bachajón

⁷ Hich te bin ut'il yacan te coxo' te hich nax jipil ay, hich ay te tsahbil c'op ta ye te mach'a ma sna' q'uinal.

Proverbios 26:7 Referans Kwoze

Proverbios 26:9

Te mach'a yacuben ma xyaiybey xc'uxul te ch'ixe; jich c'oem te mach'a ma sna' q'uinale, ma xc'ot ta yo'tan te tsabil c'op ya x'albote.

Proverbios 17:7

Te mach'a ma sna' q'uinal, ma'yuc swentail te bi ya yale; yan te mach'a lec yo'tane, ma xlo'laywan ta c'op.

Salmos 64:8

Ja' ni me ya xyalesotic yu'un te sc'opique; te mach'atic ya x'ilawanic ya xlabanotic yu'un.

San Lucas 4:23

Te Jesús jajch' yalbey yaiyic: —Ay wan jich ya awalic te bit'il ay ta alele: “Te bit'il jpoxtaywanejate, poxtaya aba atuquel”, xaex me. Soc jich ya awalic uuc: “Te bila la apas ta Capernaúm, jich nix me xapas li'to ta bay alumal”, ya niwan awutonic —xi' te Jesuse.

Proverbios 26:6

Teme ya cac'beytic yich' bael c'op te mach'a ma sna' q'uinale, jich c'oem te la jbojtic loq'uel te cacantic, soc te ya jle jwocoltique.

Proverbios 26:8

Ma xtuun teme ya yich' chuquel ton ta jimoch'il; ja' nix jich te ya x'ich'ot ta muc' te mach'a ma sna' q'uinale.