Proverbios 26:4 - Bible in Tzeltal de Oxchuc y Tenejapa

⁴ Ma xasujt'esbey sbol-c'op te mach'a ma sna' q'uinale, jich me ma pajaluc ya xc'oat soc.

Bible in Tzeltal Bachajón

⁴ Te mach'a ma sna' q'uinal ma hichuc xasutbe sc'op te bin ut'il ay te sonsohile, scuenta yu'un ma pajaluc ya xc'ohat soc.

Proverbios 26:4 Referans Kwoze

Proverbios 26:5

Sujt'esbeya sbol-c'op te mach'a ma sna' q'uinale, jich me ma scuy sba ta p'ij stuquel.

1 Pedro 3:9

Teme ay mach'a amen te bila ya spasbeyexe, ma me xasujt'esbeyic spacol. Soc teme ay mach'a ya yixtac'optayexe, ma me xawixtac'optayic uuc. Ja' lec c'anbeyaic bendición ta stojol, melel ana'ojic te ja' swentail te ic'bilex yu'un Dios te ya x'ac'botex bendición uuc te ja'exe.

1 Reyes 12:14

Ja' la sc'ases ta alel te bila c'opil albot yu'un te jch'iel winiquetic. Jich la yal: —Teme mero al te ijc'atsil la yac'beyex te jtate, ya me cac'beyex ijc'atsil te mero c'axem to xan jich yalal a. Teme la smajex ta nujc'ul te jtate, te jo'one ya me jmajex ta najt'il ts'otbil nujc'ul te ay staq'uinal sni'ile —la yut.

Proverbios 17:14

Te c'op ya xjajch'e, jich c'oem te bit'il snojel ja'; ja' lec ya jq'uej jbajtic bael, swenta yu'un ma me xmuc'ub a.

1 Reyes 12:16

Te c'alal la yilic ta spisilic te lum israeletic te ma ba ich'otic ta wenta yu'un te muc' ajwalile, jich la yalbeyic: —¡Ma'yucotic ta swenta te David! ¡Ma'yuc bi quechel ya yac'botic te snich'an Isaí! ¡Conic ta jnatic ta jpisiltic, israeletic! ¡Te David ac'a scanantay te mach'atic ay ta swenta! —xiic. Jich ora bajt'ic ta snaic spisilic te israeletique.

Judas 1:9

Yan te Miguele, te jwolwanej yu'un te ch'ul abatetique, tulan c'opoj soc te pucuj ta swenta sbaq'uetal Moisés te c'alal lajemix ae. Ja'uc me to, ma ba jelaw sc'op te Miguele. Ma la yalbey xch'ayel te pucuje. Ja' nax jich la yalbey: “Te Cajwaltique ya me scomat stuquel”, xi' soc.

Isaías 36:21

Ch'abalic jilel, ma la sujt'esic jp'aluc te aiyeje, melel te muc' ajwalil Ezequías yaloj mandal te ma me sjaq'uic jtebuc.

San Mateo 7:6

“Te bila ch'ultesbile, ma me xawac'bey te ts'i'etique. Patil ya me sujt'ic tel, ya me stujt'anex ta ti'el uuc. Ma me xawac'bey yixlan perlaetic te chitametique. Patil ya me spech'anic ta teq'uel.

Proverbios 23:9

Ma me xc'opojat ta stojol te mach'a ma sna' q'uinal, melel ya me slaban te p'ijil c'opetic awu'une.

Proverbios 29:9

Teme ya yut sba soc te mach'a ma sna' q'uinal te mach'a ay sp'ijile, te mach'a ma sna' q'uinal, ya x'ilin soc ya xlabanwan. Jich ma'yuc bila ya xchajbaj jtebuc.