Proverbios 26:26 - Bible in Tzeltal de Oxchuc y Tenejapa

²⁶ Manchuc me yo'tan smuc te slab yo'tane, te bila amen ay ta yo'tan ya xchicnaj ta stojol spisilic.

Bible in Tzeltal Bachajón

²⁶ Aunque smucoj ta sc'op te il-o'tantaywanej, ya xchicnaj ta tsoblej te bin chopol ay ta yo'tan.

Proverbios 26:26 Referans Kwoze

1 Samuel 18:17

La sta yorail te c'opoj Saúl, jich la yalbey te David: —Ya cac'bat awinamin te cantsil-nich'an Merab, ja' te wixile. Pero jun me awo'tan ya xbaat ta guerra; ma me xiwat te jayeb buelta ay guerra ta swenta te Cajwaltique —xi'. Pero te bi snopoj ta yo'tan te Saule, ja' te ya me xlaj ta milel yu'un filisteoetic te David, ma puersauc te ja' ya smil stuquele.

1 Samuel 18:21

La snop ta yo'tan te ja' lec te ya yac'bey yinamin David, swenta yu'un ja' ya yac' ochuc ta sc'ab filisteoetic. Ja' yu'un jich la yalbey xan swenta xchebal buelta: —Yo'tic puersa me ya jnialinat —xi' te Saule.

Génesis 4:8

Te Caín la yalbey te Abel, ja' te yijts'ine: —Conic ta paxeal —la yut. Jich yu'un te bit'il la sjoin sbaic bael ta paxeal, te Caín la stsac te yijts'ine, ja' te Abel, la smil.

San Mateo 23:28

Jichex ta ilel te ja'exe. Ta mero melel tojex nax ta winiquil yilel ta stojol te ants-winiquetique, ja'uc me to, nojel ta awo'tanic te cha'lam-o'tanile soc te mulile.

San Lucas 8:17

Ja' nix jich ma'yuc bila ya xju' ta naq'uel te ma xyich' chicnantesele. Soc ma'yuc muquen-c'op te ma xyich' aiyel stojole, soc te ma xchicnaj ta saquil q'uinale.

Proverbios 10:9

Te mach'a ma'yuc bila amen ya spase, ma'yuc bi ya xi'; yan te mach'a ma lecuc te yat'ele, ya me xlajinot yu'un.