Proverbios 26:12 - Bible in Tzeltal de Oxchuc y Tenejapa

¹² Ya xju' te ay bila lec ya xc'ot ta stojol te mach'a ma sna' q'uinale, pero jc'axel ma'yuc lec bi ya sta te mach'a ya scuy sba ta p'ije.

Bible in Tzeltal Bachajón

¹² ¿Ay bal awiloj te mach'a ya scuy sba ta p'ij? ¡Ay xan bin lec ay ta mahliyel yu'un te mach'a ma sna' q'uinal te bin ut'il te mach'a ya scuy sba ta p'ij!

Proverbios 26:12 Referans Kwoze

Proverbios 29:20

Ya xju' te ay bila lec ya yal jtebuc te mach'a ma sna' q'uinal; ja' ma lecuc te mach'a ma snop neeluc te bila ya yale.

Romanos 12:16

Junuc me awo'tan abaic spisil ora. Ma me toybauquex. Ja' ya sc'an te ya ajoin abaic soc te mach'atic peq'uel ayique. Ma me xacuy abaic ta p'ij atuquelic.

Proverbios 28:11

Te mach'a jc'ulej ya scuy sba ta mero p'ij; yan te me'ba te ay sp'ijil sjole, ya xju' ya spas ta prueba yil.

Apocalipsis 3:17

Melel te ja'ate jich ya awal: “C'ulejon te jo'one. Ju'ix cu'un tsobel bayal te jc'ulejale. Xujt' ma'yuquix jwocol”, te xaate. Ja'uc me to, ma x'ana' te ay bayal awocol soc te bayal yo'bolil aba ta q'uinale, xujt' ma'yuc bila ay awu'un te ma'sitate soc te t'analate.

San Mateo 21:31

¿Mach'a ta xchebalic awaiy te la spasbey te bila la sc'an yo'tan te state? —xi' te Jesuse. La yalic: —Ja' te sbabiale —xiic. Te Jesús jich la yal: —Jamal ya calbeyex, te jc'an-patanetic soc te jmulawil-antsetique, ya me xneelajic ochel awu'unic tey a ta banti ay ta ajwalinel te Diose.

Proverbios 26:5

Sujt'esbeya sbol-c'op te mach'a ma sna' q'uinale, jich me ma scuy sba ta p'ij stuquel.

San Lucas 18:11

Te fariseo teq'uel la sc'opon te Diose. Jich la yal: “Dios cu'un, wocol awal te ma pajaluc co'tan soc te j'eleq'uetique, soc te ma tojuc yo'tanique, soc te jmulwejetic, soc ma jichuc co'tan te bit'il yo'tan in jc'an-patan to.

San Lucas 7:44

Jich te Jesús la yil te antse, soc la yalbey te Simone: —¿La bal awil in ants to? Te c'alal julon ta anae ma la awac'bon ja' jpoc cacan a. Yan in ants to, la spocbon cacan ta ya'lel sit, soc la scusbon ta stsotsil sjol.

Proverbios 26:16

Te mach'a ch'aj, ya scuy sba ta p'ij; c'ax jich c'oem ta sc'op a te juctulic te ya sna'ic sujt'esel ta lec te c'ope.

Proverbios 22:29

Te mach'a ya spas ta lec te yat'ele, ya me x'ic'ot ta at'el ta stojol muc' ajwaliletic; ma ja'uc ya x'at'ej ta stojol te mach'atic peq'uelique.

Proverbios 3:7

Ma me jc'axeluc lom p'ij ya acuy aba; ich'a me ta muc' te Cajwaltique, ma me xawac' aba a te bila amene.

San Juan 9:41

Jesús la yalbey yaiyic: —Te yu'unuc ma'situquexe, ma'yuc amulic te jichuque. Ja'uc me to, ya awalic te jamal asitique, ja' ma xch'ay amulic yu'un —xi' te Jesuse.

Proverbios 12:15

Te mach'a ma sna' q'uinal, ya scuy ta lec spisil te bila ya spase; yan te mach'a ay sp'ijile, jun yo'tan ya xch'uun te tojtesele.

Proverbios 28:26

Te mach'a ma sna' q'uinal, yich'oj sba ta muc' yu'un te bila snopoj ta yo'tane; yan te mach'a ya x'at'ej soc sp'ijil yo'tan, libre ya xc'ot yu'un stuquel.

Isaías 5:21

¡Ya me awil awocolic, ja'ex te ya acuy abaic te p'ijexe, soc te ya ana'ic q'uinal ta lec ta ac'opique!