Proverbios 26:11 - Bible in Tzeltal de Oxchuc y Tenejapa

¹¹ Te ts'i' ya xcha'lo' xan xe; ja' nix jich te mach'a ma sna' q'uinale, ya spas xan te sbolile.

Bible in Tzeltal Bachajón

¹¹ Hich te bin ut'il ts'i' te ya suht tal ta slo'el xe, hich ya scha'pas te sonsohil te mach'a ma sna' q'uinale.

Proverbios 26:11 Referans Kwoze

2 Pedro 2:22

Ja'uc me to, jich c'otix ta pasel ta swentaic te bit'il ay ta alele: “Te ts'i'e, sujt' xan bael ta xcha'lo'el xan xe”, te xie. Soc xan: “Te me' chitam te yich'ojix poquele, sujt' xan bael la xcha'balan xan sba ta ajch'al”, te xie.

San Mateo 12:45

Jich ya xba yic' tel juqueb pucujetic te c'ax jich yixtaelic te bit'il ay stuquele. Spisilic ya x'och snainbey yo'tan te ants-winique. C'ax to xan jich ya xbolob a te bit'il ay ta neelale. Jich me ya xc'otic te mach'a cuxulic ta q'uinal ta ora to te ma lecuc yo'tanique —xi' te Jesuse.

Éxodo 8:15

Ja'uc me to, te faraón c'alal la yil te ma'yuquix bi chicane, cha'tulanaj te yo'tane. Jich ma la yich'bey ta muc' sc'opic te Moisés soc te Aarón, jich bit'il yalojbey nix sc'oplal a te Cajwaltique.

Proverbios 23:35

Jich me ya awal: “La smajonic, pero ma ba la caiy; la smajonic ta nujc'ul, pero ma la jna'. Pero te c'alal ya jna' q'uinal, ya xba jcha'le xan cuch'”, xaat.

Proverbios 26:10

Te mach'a tojol ya stojlin ta t'im spisil te bila ya xc'axe, jich c'oem te mach'a ya yic' ta at'el ta sna te mach'a ma sna' q'uinale.

Proverbios 27:22

Te mach'a ma sna' q'uinal ma xju' ta loq'uesel te sbolile, manchuc me ya xc'ax swocol ta utel.

Isaías 28:8

Spisil te mesaetic nojelic yu'un te xeiletique, mero ya quilaytic, ni ma'yuquix bay sac xujt'uc.