Proverbios 24:9 - Bible in Tzeltal de Oxchuc y Tenejapa

⁹ Te bila chapal ta yo'tan te mach'a ma sna' q'uinal, ja' te mulile; ma'yuc mach'a ya xcujch' yu'un te sbolil te mach'a ma xq'uexawe.

Bible in Tzeltal Bachajón

⁹ Ha mulil te bin chapal ta yo'tan te mach'a ma sna' q'uinal, soc ya xp'ajot te jlabanwanejetique.

Proverbios 24:9 Referans Kwoze

San Mateo 15:19

Melel ta yo'tanic ya xcaj snopic te ants-winiquetic te bila amen ta pasele: Ja' te milawe, soc te mulweje, soc yalel ta mulil, soc elec', soc le-c'op, soc toyba-c'op.

2 Corintios 10:5

Jich ya jlajinbeytic sc'oplal a te bila nopjibal yu'un te yantique, spisil jtoybaetic te ya scontroinic te bila ay ta na'el yu'un te Diose. Spisil nopjibal yu'un te ch'ich'-baq'uete, ya me cac'beytic xch'uunic te Cristoe.

Isaías 55:7

Te mach'a amen yo'tane ya sc'an te ya yijq'uitay te sbee; te mach'a ay mulil ta yo'tan, ya me yijq'uitay te bitic sna'oje. Sujt'anic tel ta stojol te Cajwaltique, jich me ya sna'beyex yo'bolil abaic stuquel; sujt'anic tel ta stojol te Dios cu'untique, te ma p'isbiluc nax yutsil yo'tan ta spasel perdón.

Hechos 8:22

Sujt'esa awo'tan ta stojol Dios yu'un te bila amen ay ta awo'tane. Albeya wocol Dios te yacuc spasbat perdón yu'un te bila anopoj ta awo'tane.

San Mateo 9:4

Te Jesús la sna' stojol te bila ay ta yo'tanique. Jich la yalbey: —¿Bi yu'un te amen te bila la yaan awo'tanique?

Proverbios 29:8

Te mach'atic ya xlabanwanic, ya syuq'uic c'oem te jpam lume; te mach'atic ay sp'ijilique, ya sna'ic slamantesel-o'tanil.

Proverbios 24:8

Te mach'a ja' nax snopoj ta yo'tan spasel te bila amene, “jbol-o'tan”, xi' me sc'oplal ta bayuc.

San Mateo 5:28

Ja'uc me to, jo'on ya calbeyex: Spisil mach'a ya xbic'taj sit ta smulanel te antse, la yaiyix mulwej ta yo'tan soc abi.

Jeremías 4:14

Jerusalén, poca loq'uel te bila amen ay ta awo'tane, jich me ya xcolat. ¿Jayeb to buelta ya awac'bey awo'tan ta snopel te mulile?

Génesis 6:5

La yil te Cajwaltic te bit'il toyix te bila amen ya spasic te mach'atic ayic ta balumilale, soc la yil te bit'il ma lecuc te bitic ya snopilay ta yo'tanic spisil ora.

Proverbios 23:7

Melel pajal me soc jlijc' stsotsil jolol te xmac'aq'uet ta anuc'. Manchuc me ya yic'at ta we'el-uch'el, ma spisiluc yo'tan te ya yic'ate.

Proverbios 22:10

Teme ya yich' loq'uesel te jach-c'ope, ya xch'ay bael te c'opetique, soc ya xlaj bael te toybaile.

Salmos 119:113

Ya quilay te ants-winiquetic te cheb yo'tanic; pero ja' c'ux ta co'tan te p'ijubtesel awu'une.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Proverbios 9:7

Teme ya ac'an ya atojtes te mach'a ma stsajtay sba, soc te mach'a amen yo'tane, ja' nax ya ata bolc'optayel soc labanel yu'un.

Proverbios 21:24

Muc' scuyoj sba te jlabanwanej; soc te mach'a stoyoj sba ta jyalele ma x'ich'awan ta wenta.