Proverbios 24:4 - Bible in Tzeltal de Oxchuc y Tenejapa

⁴ Buen nopbil te bit'il ya yich' nojesel ta bitic bayalic stojol soc te bitic buen t'ujbilic sba te ayic ta cuartoetic yu'une.

Bible in Tzeltal Bachajón

⁴ ta scuenta bin ay ta na'el ya yich' nojesel te stsalul na ta bintic lec soc te mulambil.

Proverbios 24:4 Referans Kwoze

Proverbios 21:20

Ta sna te mach'a ay sp'ijile ay sc'ulejal soc perfumeetic yu'un; yan te mach'a ma sna' q'uinale, spisil ya slajin te bitic ay yu'une.

Proverbios 15:6

Mero c'ax bayal bi ay ta sna te mach'a lec yo'tane; yan te mach'a amen yo'tane, ma xyaiybey yutsilal stuquel te bila ya stae.

Proverbios 20:15

Ja' lec xan te mach'a ya xc'opoj ta swenta te sp'ijile, c'ax jich yutsil te bit'il oro soc yantic te bitic t'ujbil yutsilic ta spamal te balumilale.

Proverbios 8:21

Te mach'atic c'uxon ta yo'tanique, ya me cac'bey te bitic ya xc'ot ta swentaique; ya me jnojesbey snaic ta c'ulejaliletic.

San Mateo 13:52

La yal te Jesuse: —Ja' swentail te spisil jts'ibojom, te sna'ojbey swentail te bit'il ay ta ajwalinel te Dios te ay ta ch'ulchane, ja' pajal c'oem soc te bit'il jtul winic te swentainej te snae. Ya sna' stuuntesel te sc'ulejal ta bay yach'ile soc ta bay pocobenixe —xi'.

Nehemías 10:39

Te israeletic soc te levitaetic ya me yich'ic bael ta banti stsobjibal biluquetic te spatanil trigo, vino, soc aceite. Tey ya yaq'uic jilel ta banti ayic te bitic ch'ultesbilic te ya xtuun ta templo, soc tey nix nainemic a te sacerdoteetic yacalic ta abatinel, te jcanan-ti'nailetic soc te jc'ayojetique. La caltic ta jamal te ma ba ya xch'ay ta co'tantic te bitic ay ta aq'uel ta templo yu'un te Dios cu'untique.

Proverbios 24:5

Ja' bayal sc'oplal te ants-winic te ay sp'ijile; ma ja'uc bayal sc'oplal te mach'a ay yipe. Ja' cajal sc'oplal te sp'ijil sjole; ma ja'uc bayal sc'oplal te ipe.

Job 28:10

Ya sjam c'axel be ta yutil lumq'uinal ta witstiquil, ya sta spisil ta jchajp c'ulejaliletic tey a.

Proverbios 8:18

Jo'on ya cac'bey sc'ulejal soc ya cac' lecubuc sc'oplal; ya cac' te muc' sc'oplal ya xc'ot soc ya cac' esmajuc xan sbiluc.