Proverbios 24:21 - Bible in Tzeltal de Oxchuc y Tenejapa

²¹ Jnich'an, ich'a ta muc' te Diose, soc ich'a ta muc' te muc' ajwalile; ma me xat'un te scontrotaque.

Bible in Tzeltal Bachajón

²¹ Jnich'an, ich'a ta muc' te Jehová soc te ajwalil, ma me xajoquin te jtoybahetique,

Proverbios 24:21 Referans Kwoze

Tito 3:1

Albeyaic xan te ya sc'an ya yich'ic ta muc' te ajwaliletique soc spisil te mach'a yich'oj yat'elique. Ac'a xch'uunbeyic smandal, soc toyoluc me yo'tanic ta spasel spisil te lequil at'elile.

1 Reyes 12:16

Te c'alal la yilic ta spisilic te lum israeletic te ma ba ich'otic ta wenta yu'un te muc' ajwalile, jich la yalbeyic: —¡Ma'yucotic ta swenta te David! ¡Ma'yuc bi quechel ya yac'botic te snich'an Isaí! ¡Conic ta jnatic ta jpisiltic, israeletic! ¡Te David ac'a scanantay te mach'atic ay ta swenta! —xiic. Jich ora bajt'ic ta snaic spisilic te israeletique.

San Mateo 22:21

La yalic: —Ja' te Cesare —xiic. Jesús la yalbey yaiyic: —Te bila ja' yu'un te Cesare, ac'beyaic me jiche, soc te bila ja' yu'un te Diose, ac'beyaic me uuc —xi' te Jesuse.

Éxodo 14:31

C'alal la yil israeletic te smuc'ul yu'el Cajwaltic, te bila la spasbey te egipcioetic, la xi'ic te Cajwaltic, jajch' xch'uunic soc la yich'ic ta muc' te yabate, ja' te Moisese.

1 Samuel 24:6

Jich la yalbey te swinictac: —Ja' me ac'a scomon te Cajwaltic ta sjachel jc'ab ta stojol te cajwale, ja' te muc' ajwalile. Melel ja' ac'bot yich' yat'el yu'un te Cajwaltic, ja' yu'un ja' muc' ajwalil stuquel —xi'.

2 Samuel 18:8

Te guerra pujc' bael ta spamal te q'uinale, ja' bayal te lajic ta ja'maltic, ja' ma'yuc bayal te lajinotic ta puñale.

1 Reyes 1:49

Te jayeb ic'bil yu'un Adonías jajch'ic ta nijq'uel. Ora jajch'ic ta spisilic, ta juju-jtul bajt'ic ta snaic.

Proverbios 17:11

Te mach'a jtoyba-o'tane ja' nax ya sjajch'es c'op; ja'uc me to, ay mach'a buen c'ajc' ya xticunbot bael ta stojol.

Proverbios 23:17

Ma me xbic'taj awo'tan yu'un te bi yilel stalel te jmulawiletic; ja' me lec te ja' ya awich' ta muc' spisil ora te Cajwaltique.