Proverbios 24:12 - Bible in Tzeltal de Oxchuc y Tenejapa

¹² Manchuc me ya awal te ma la awaiy stojole, pero te mach'a ya sna' bi ay ta co'tantic, ya sna' stuquel. Melel ya me sna' stuquel te mach'a ya yilate, ja' te mach'a ya yac'bey stojol sc'ab ta juju-jtul chican bi yilel te yat'ele, ja' me ya yilat stuquel.

Bible in Tzeltal Bachajón

¹² Teme yac awal: Ma ba la jna'cotic, teme xchihate, ¿yu'un bal ma ba ya sna' te mach'a ya yil o'tanil? Te mach'a ya scanantaybat acuxlejal ya me sna', ya me ya'be stoj jujutuhl ha chican bin yilel te ya'tele.

Proverbios 24:12 Referans Kwoze

Job 34:11

Te Dios ja' nix ya yac'bey stoj ta juju-jtul te bi yilel te yat'elique; ja' nix ya yac'bey ta swenta te bi snujp' ya xc'ot te yat'elique.

Apocalipsis 2:23

Soc ya me quejch'entes ta lajel te yalataque. Jich me ya sna'ic stojol spisil jch'uunjeletic te jna'oj te bila snopoj ta sjolic soc ta yo'tanic. Jich me ya cac'bey stoj juju-jtul, chican bi yilel te yat'elique.

Romanos 2:6

Ya me yac'bey stojol juju-jtul chican te bi yilel te yat'ele.

Proverbios 21:2

Te ants-winiquetic lequil be c'oem ta yo'tan spisil te bitic ya spase; ja'uc me to, te Cajwaltic ya sna'bey yo'tan stuquel.

Jeremías 17:10

Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.

Eclesiastés 5:8

Ma me jchajbuc q'uinal ya awaiy yu'un, teme ay ya awil ta yantic lum te banti yacalic ta uts'inel te me'baetique, soc te ya yixlanic ta pasel te bi stojil ay ta stojolique. Melel ay me yan mach'a cajal yu'un te mach'a toyole, in te mach'a toyole ay to xan mach'a cajal yu'un a, pero ta xchebalic ay to xan yan mach'a mero toyol xan yu'unic a.

Salmos 121:8

Te Cajwaltic ya scanantayat ta spisil ta bayuc ya xbaat, te c'alal ya xloc'at bael soc te ya sujt'at tel; ta spisil ora ya scanantayat ta sbajt'el q'uinal.

Salmos 121:3

Ma xyac' xbilts'uj te awacane. Ma xway te mach'a ya scanantayate;

1 Samuel 16:7

Pero albot yu'un te Cajwaltic: —Ma me ja'uc xbajt' ta awo'tan te bi yilele; te bi yilel snajt'il soc te bi yilel st'ujbilale, te jo'one ma ja'uc ay sc'oplal cu'un. Ma ja'uc ay ta wenta cu'un te bi ya yich' ta wenta te ants-winiquetique. Ja' ya xbajt' ta yo'tanic te bi yilel stec'lejal, yan te jo'one ja' ya quilbey te bi yilel te yo'tane —xi'.

Salmos 17:3

Te ja'at ana'oj ta lec te bitic ya jnop ta co'tane; ta ajc'ubal ya xtal awilon spisil ora; melel apasojonix ta prueba ta c'ajc', ma'yuc ataojbon te bila amen ta jtojole. Ma'yuc caloj te bitic ma lecuc ta alel

Apocalipsis 22:12

“Melel nopol ya xtalon. Ya me quich'bey tel smajt'an juju-jtul chican bi yilel te bila spasoje.

Apocalipsis 2:18

Soc la yalbon: —Ts'ibubeya te ch'ul abat yu'un te jchajp jch'uunjeletic te ay ta lum Tiatira: Te Snich'an Diose, te jich yac ta tilel sit te bit'il yat c'ajq'ue soc te xlememet nax yacan jich te bit'il xlememet nax te bronce, jich la yal:

Apocalipsis 1:18

Jtalel cuxulon. Lajon, ja'uc me to, cuxulonix sbajt'el q'uinal. Jichuc. Quich'oj te sllaveil te lajele soc uuc te stsojbjibal animaetique.

2 Corintios 5:10

Melel jpisiltic ya me xc'o jtejc'an jbatic ta bay chajbajibal yu'un te Cristoe, swenta yu'un juju-jtul ya me yich' te bila ya xc'ot ta swentae, chican te bila spasoj te c'alal snainej to a te sbaq'uetale, chican teme leque o teme ma lecuque.

1 Corintios 4:5

Jich yu'un, ma me xjelawex ta c'op te ja'exe, yu'un ma to sta sc'aalelal ta alel te bi yilel yat'el juju-jtule. Maliyaic te bi ora ya xtal te Cajwaltique. Ja' me ya yac' ta ilel ta jamalal ta saquil q'uinal stuquel te bila muquen aye, soc ya me yac' ta na'el te bila jnopoj ta co'tantique. Jich yu'un juju-jtulotic, ya me yalbotic lec jc'oplaltic te Diose.

Romanos 2:16

Jich yu'un ya me sta sc'aalelal yu'un Dios te ya x'ich'bot sc'opic ta swenta te Jesucristo yu'un spisil te bila muquen la spasic te ants-winique, jich nix te bit'il ya yal te lec yach'il c'op te yacon ta spuquele.

Hechos 17:28

Ja' ta swenta te bit'il cuxulotique, soc te bit'il ya jtij jbatique, soc te bit'il ayotic ta q'uinale, jich bit'il yaloj cha'oxtul te jpas-junetic awu'unique: “Jpisiltic yal-snich'anotic te Diose”, te xiique.

San Mateo 16:27

Melel te Nich'anile ya me xtal soc yutsilal te State soc te ch'ul abatetic yu'une. Ya xtal yac'bey stojol sc'ab juju-jtul chican bi yilel te yat'el spasoje.

Daniel 5:23

Pero ma jichuc la apas. Ja'at te muc' ajwalilate, la alaban te Cajwaltic te ay ta ch'ulchane, melel la aticun ta ich'el tel ta amesa te vasoetic soc te muc'ul tazaetic yu'un templo ta Jerusalén. Ja'at soc te mach'atic ic'bil awu'une la awuch'ic vino a, soc la awalbey yutsil sc'oplal diosetic a te pasbil ta oro, ta plata, ta bronce, ta hierro, ta te' soc ta ton, ja'ic te ma xyilic q'uinal, te ma xyaiyic c'op, soc te ma'yuc bi ya sna'ique. Yan te Dios yich'ojbat ta sc'ab acuxlejal te ja'at te muc' ajwalilate, soc te ja' nax ta swenta stuquel te ay bila ya xju' awu'un spasele, ma ba ya awalbey yutsil sc'oplal stuquel.

Jeremías 32:19

Te ja'ate c'ax muc'at yu'un te bila achapoje soc bayal awu'el ta spasel te at'eliletic awu'une. Te ja'ate ya awil spisil te bitic ya spasic te ants-winiquetique, soc ya awac'bey stojic juju-jtul te yat'elic te bit'il ya sc'ane.

Proverbios 5:21

Te Cajwaltic ya me yil te bit'il ya yac' sba te winique; ma xch'ay ta sit te jujun buelta ya sjim te yacane.

Salmos 66:9

Melel yac'oj cuxinucotic; melel ma ba yalemotic yu'un.

Salmos 44:21

Te jichuque la awilotic, melel te ja'ate ana'oj spisil te bila muquen yich'oj chapel.

Salmos 7:9

Dios, te toj awo'tane, ja'at ya ana' te bitic ya snop te o'tanile soc te bitic ya yal te o'tanil c'alal ta yutil. Lajinbeya sc'oplal ta jc'axel te mach'atic amen yo'tanique; yan te mach'atic lec yo'tanique, junuc me yo'tanic awu'un.

1 Samuel 25:29

Teme ay mach'a ya snutsat, yu'un ya sc'an ya smilate, ja' me swentainejbat acuxlejal te Cajwaltic Dios awu'une. Jich nix te acontro, ja' ni me te Cajwaltic te ya xch'oj bael ta jc'axele, jich te bit'il ya yich' ch'ojel bael ton ta jimoch'ile.

1 Samuel 2:6

Te Cajwaltic ya yac' lajucotic soc ya yac' cuxinucotic; ya yac'otic coel ta muquenal, soc ya yic'otic loq'uel tel ta muquenal.

1 Samuel 2:3

Ma me ayuc mach'a xc'opoj soc stoybail, ma me ayuc mach'a ya stoy sba ta jc'axel soc te sc'ope, melel te Cajwaltic, ja' Dios te spisil ya sna' stuquele, ja' te ya stsatay spisil te bitic ya spas te ants-winiquetique.

Salmos 94:9

¿Ya bal acuyic te ma xyaiy stojol te mach'a la spas te jchiquintique? ¿Ya bal acuyic te ma xyil te mach'a la yac' te jsitique?

Proverbios 12:14

Juju-jtul ya stsobey sit te bila ya yale, soc ya yich' stojol yu'un te bila ya spase.

Proverbios 5:22

Te mach'a amen yo'tane ja' nix ya stsacot yu'un te sbolile; ja' nix ya xchucot yu'un jichuc lazo te smule.

Proverbios 16:2

Te ants-winiquetic lec c'oem ta yo'tanic spisil te bi ya spasique; ja'uc me to, te Cajwaltic ya sna'bey yo'tan stuquel.

Lamentaciones 3:36

Te bay ma lequil chajbaneluc, ja' te ma lecuc yo'tan yu'un te Cajwaltique.