Proverbios 23:9 - Bible in Tzeltal de Oxchuc y Tenejapa

⁹ Ma me xc'opojat ta stojol te mach'a ma sna' q'uinal, melel ya me slaban te p'ijil c'opetic awu'une.

Bible in Tzeltal Bachajón

⁹ Ma me xc'opojat ta schiquin te mach'a ma sna' q'uinal, como ya me sp'ajbe sp'ijil te c'opetic awu'une.

Proverbios 23:9 Referans Kwoze

San Mateo 7:6

“Te bila ch'ultesbile, ma me xawac'bey te ts'i'etique. Patil ya me sujt'ic tel, ya me stujt'anex ta ti'el uuc. Ma me xawac'bey yixlan perlaetic te chitametique. Patil ya me spech'anic ta teq'uel.

Proverbios 1:7

Te xjajch'ibal te p'ijil-o'tanile, ja' te yich'el ta muc' te Cajwaltique; te mach'atic ma sna'ic q'uinale ya yilayic te p'ijil c'op soc te p'ijubtesele.

San Juan 10:20

Ay tsobolic la yalic: —¿Bistuc ya awaiybeyic stojol te sc'ope? Ay pucuj ta yo'tan. Mero jowejem sjol ta jyalel —xiic.

Isaías 36:21

Ch'abalic jilel, ma la sujt'esic jp'aluc te aiyeje, melel te muc' ajwalil Ezequías yaloj mandal te ma me sjaq'uic jtebuc.

Hechos 17:32

Te c'alal la yaiyic stojol te ya xcha'cuxic te animaetique, ay cajic ta labanwanej yu'un. Soc yantic la yalic: —Yan to buelta ya caiytic xan stojol te bila ya awale —xiic.

Hechos 17:18

Ay filósofoetic yu'un te epicúreoetique soc te estoicoetique, jajch'ic ta tsaltomba-c'op soc te Pablo. Jich la yalic: —¿Bi ya sc'an ya yalic me chulti' to? —xiic. Soc ay yantic la yalic: —Jchol-c'op yu'un yach'il diosetic yilel —xiic yu'un. Jich la yalic yu'un te bit'il ya xcholbey sc'oplal te lec yach'il c'op yu'un te Jesús soc te bit'il ay te cha'cuxele.

San Juan 8:52

La yalic te judioetique: —Ta ora to chican ta lec te ay pucuj ta awo'tane. Te Abrahame soc te j'alwanejetic yu'un te Diose spisil lajic. Te ja'ate ya awal: “Te mach'a ya yich' ta muc' te bi ya cale, sbajt'el q'uinal ma xlaj”, te xaate.

San Lucas 16:14

Te fariseoetique bic'tajem nax yo'tanic yu'un te staq'uinique, jich yu'un te c'alal la yaiyic stojol te bila la yal te Jesuse jajch' slabanic yu'un.

San Juan 9:40

La yaiyic stojol cha'oxtul te fariseoetic te sjoinejic tey a. Jich la yalbeyic: —¿Yu'un bal ma'sitotic te jo'otique? —xiic.

Proverbios 14:7

Ma x'alac' te mach'a ma sna' q'uinal, melel ma'yuc bila ya yac'bat ana' te sc'ope.