Proverbios 23:10 - Bible in Tzeltal de Oxchuc y Tenejapa

¹⁰ Ma me xajeltaybey yawil te antiguo ts'acane; soc ma me x'aten loq'uel ta sq'uinalic te me'ba alaletique.

Bible in Tzeltal Bachajón

¹⁰ Ma me xajeltaybe yawil te antiguo mojon, soc ma me xapojbe sq'uinalic te me'ba'etic,

Proverbios 23:10 Referans Kwoze

Proverbios 22:28

Ma me xajeltaybey yawil te ts'acan te la xchajban jilel te antiguo ame'-atate.

Zacarías 7:10

Ma me xawac'bey swocolic te me'ba antsetic, te me'ba alaletic soc te jyanlumetic te ayic ta awolilique, soc te mach'atic ma'yuc bitic ay yu'unique. Ma me talel c'axeluc ya alebey aba awocolic —xi' te Cajwaltique.

Deuteronomio 27:17

“Boloben me sc'oplal ta jyalel te mach'a ya sjeltaybey yawil te mojón yu'un sq'uinal te spat-xujq'ue, yu'un ya spojbey te sq'uinale”. “Jichuc”, xiic me ta spisil te lume.

Santiago 1:27

Te bit'il ay ta ch'uunel ta lec te Diose soc te ma capaluc ta mulil ya yil te Jtatic Diose, ja' in to: Ja' te ya xc'uxtay me'ba alaletic soc me'ba antsetic te c'alal ay swocolique, soc te ya scanantay sba yu'un te bila ma lecuc ta pasel ta balumilale.

Jeremías 22:3

At'elinaic spasel jchajbanwanej soc te bila stojil li' ta q'uinal to, ac'aic ta libre te mach'a tenbilic ta uts'inel yu'un te j'uts'inwanejetique. Ma xapejc'anic ni ma xabolc'optayic te mach'atic jyanlumetic, te me'ba alaletic soc te me'ba antsetique. Ma xamilic te ants-winiquetic te ma'yuc smulique.

Deuteronomio 19:14

“Tey ta lumq'uinal te banti ya yac'beyex te Cajwaltic te Dios cu'untique, ya me awich'ic ta wenta te bay c'alal te sq'uinal te apat-axujq'ue, jichuc ni me te bit'il pasbil ta neelal to, ma me xajinic.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Jeremías 7:5

“Teme ya alectesic te acuxlejalic soc te awat'elique, soc teme ya xtojob awo'tanic juju-jtul ta stojol te yantique,

Salmos 94:6

Ya smilic te me'ba antsetic soc te jyanlumetic; ya yaq'uic ta lajel te mach'atic me'ba alaletique.

Job 22:9

Jochol sc'abic a la aticun sujt'el te me'ba antsetic, soc la awuts'in te me'ba alaletique.

Job 6:27

Awo'tanicuc ya achapbeyic sc'oplal te me'ba alale, soc awo'tanicuc ya achapbeyic sc'oplal ta chonel te awamigoique.

Job 24:9

Ya spojbeyic yal te me'ba antsetic te ayinelic to, ya sc'anbeyic ta prendal te yalic te me'baetique.

Éxodo 22:22

“Ma me xawuts'inic te me'ba antsetic soc te me'ba alaletique.

Proverbios 15:25

Te Cajwaltic ya sjinbey sna te toybae, yan te me'ba antse, ma xyac'bey ta jinel sq'uinal stuquel.

Jeremías 7:6

teme ma ba ya atojol-uts'inic te jyanlumetic, te me'ba alaletique, soc te me'ba antsetique, teme ma xamilic te mach'a ma'yuc smul li' ta bay q'uinal to, teme ma xach'uunic yantic loc'ombaetic, te ja'ex nix te tey ya aboltes abaic a,