Proverbios 22:9 - Bible in Tzeltal de Oxchuc y Tenejapa

⁹ Te mach'a soc yutsil yo'tan ya yil yan, ya me x'ac'bot bendición ta swenta bit'il ya yac'bey swe'el te me'baetique.

Bible in Tzeltal Bachajón

⁹ Te mach'a ya x'ilawan soc sc'uxul yo'tan ya x'a'bot bendición, como ya ya'be swe'el te pobre.

Proverbios 22:9 Referans Kwoze

Proverbios 19:17

Te bila ya cac'beytic smajan te me'ba, ja' ya cac'beytic smajan te Cajwaltique; soc ja' nix ya stojbotic te Cajwaltic te betile.

Hebreos 6:10

Melel te Diose, ma xch'ay ta yo'tan te awat'elique soc te xc'uxul awo'tan awac'ojic ta ilel ta stojol Cajwaltic te c'alal la acoltayic te mach'atic ch'ul lum yu'un te Diose, soc te ma ba acomoj abaic ta spasele.

1 Pedro 4:9

Binuc nax me awo'tanic te ya awic' ochel ta anaic te mach'a ya xtal yilexe. Ma me xjajch' ta aiyej awo'tanic yu'un.

Hechos 20:35

Spisil ora la cac'beyex awilic te bit'il ya sc'an ya x'at'ejotic ta lec ta jpisiltique, swenta yu'un jich me ya jcoltaytic te mach'atic ay swocolic te ma'yuc bi ay yu'unique. Ac'a juluc ta awo'tanic te jich la yal te Cajwaltic Jesuse: “Ja' me bin nax yutsil te mach'a ay bila ya yaq'ue, ma ja'uc te mach'a ay bila ya yich'e”, te xie —xi' te Pabloe.

Hebreos 13:16

Soc ma me xch'ay ta awo'tanic te bit'il ya sc'an ya awat'elinic spasel te bila leque soc te ya ac'uxtayic yantic a te bila ay awu'unique. Spisil in to ja' smajt'an cu'untic te bin nax yo'tan Dios yu'une.

San Lucas 14:13

Jich yu'un te c'alal ya apas q'uine, ja' me x'awic' tel ta we'el te mach'a ma'yuc bi ay yu'unique, soc jc'ojc'ol-c'abetic, soc coxoetic, soc ma'sitetic.

Isaías 32:8

Yan stuquel te mach'a lec sc'oplale ay nix muc' snopjibal yu'un a, te snopjibal te bila chapal yu'une ma xyanaj yu'un.

Proverbios 21:13

Te mach'a ma xyich'bey ta wenta te bi ya yal wocol yu'un te me'ba, ja' nix me jich ma x'ac'bot sujt'ib te c'alal ya sc'an coltayele.

Salmos 112:9

Ya smajt'antes te me'baetic; spisil ora ay te sc'uxul yo'tane. Jamal me sit-yelaw; ma me ayuc q'uexlal ta stojol.

Proverbios 11:25

Te mach'a ma p'isbiluc nax ya yaq'ue, ya me x'esmantesbot xan te sbiluque; melel te mach'a ya yaq'ue, jich nix ya yich' xan.

San Marcos 7:22

te bic'tal-o'tanile, te uts'inwaneje, te lo'laywaneje, soc te bila amen ta pasel te mulanbil sbae, te jex-o'tanil, soc ayantaywanej, soc toybail, soc bol-o'tanil.

San Mateo 20:15

¿Ma bal chicanuc co'tan jtuquel te bila ya jpas soc te bila ay cu'une? ¿Yu'un bal ay sbic'tal awo'tan yu'un te bit'il lec te co'tane?”, la yut.

Deuteronomio 28:56

Manchuc me ja'uc te ants mero toyba soc te mero jchajp ya yac' sba te ay ta awolilique, ta scaj te mero spisil bila ya yilay ma sc'an stec' lum ta yacan teme ma'yuc stepe, ya me xbolob ta sit te smamlal te bayal c'ux ta yo'tan soc te yalataque.

Proverbios 31:20

Spisil ora ya sna'bey yo'bolil sba me'baetic, soc ya scoltay te mach'atic ma'yuc bila ay yu'unique.

Proverbios 11:17

Te mach'a ya xc'uxtaywan, mero lec bila ya spasbey sba; yan te mach'a amen yo'tane, ja' nix ya sjajch'es te bila ma lecuc ya xc'ot ta stojole.

Proverbios 11:27

Te mach'a ya yac' puersa ta spasel te bila leque, lec ya x'ilot; yan te mach'a ma xyac' puersa ta spasel te bila leque, ma lecuc ya xc'ot ta loq'uel stuquel.

Proverbios 14:21

Te mach'a ya yilay spat-xujc', ya sta smul ta stojol; ja'uc me to, bin nax yutsil te mach'a ya sna'bey yo'bolil sba te me'bae.

Proverbios 28:24

Ja' sjoy sba soc jmilawal te mach'a ya yelc'anbey sbiluc sme'-stat, soc te ya yal te ma muliluc ta sc'ope.

Proverbios 28:27

Te mach'a ya scoltay te me'ba, ma'yuc bila ya spasot falta yu'un; yan te mach'a ma xyac'bey scoltayele, bayal me ya xbolob sc'oplal stuquel.