Proverbios 22:7 - Bible in Tzeltal de Oxchuc y Tenejapa

⁷ Te me'baetic ja' yajwalinejic te jc'uleje; te mach'atic ay sbetique, ja' mosoinbilic yu'un te mach'a ay bila ya yac' ta majanele.

Bible in Tzeltal Bachajón

⁷ Te jc'ulej ya ya'batin te pobre, soc te mach'a ay bin ya smajan, ha a'bat ya xc'oht yu'un te mach'a la yac' ta majanel.

Proverbios 22:7 Referans Kwoze

2 Reyes 4:1

Ay jtul ants te la yinamin jtul j'alwanej yu'un Dios, bajt' ta stojol Eliseo, jich c'o yal: —Te jmamlale lajix. Ana'oj te la yich' ta muc' te Cajwaltique. Yo'tic talix ta jtojol te jc'an-betile, ya sc'an ya yic'bon bael smozoin te cheb calataque —xi'.

Proverbios 22:16

Te mach'a ya sle sc'ulejal, teme ja' ya yuts'in te me'ba, o teme ja' ya yac'bey smajt'an te jc'uleje, jich me ya xc'atp'uj ta me'ba yu'un.

Proverbios 18:23

Te me'ba ya xc'opoj ta yalel wocol; te jc'ulej, tulan nax ya sujt'es te c'ope.

Santiago 2:6

Yan te ja'exe ya awilayic te me'bae. ¿Ma bal ja'uc ya yac'beyex awocolic te jc'ulejetique? ¿Ma bal ja'uc nix te ya yiq'uex bael ta stojol te jchajbanwanejetique?

San Mateo 18:25

Te bit'il ma ju' yu'un stojel te sbete, la yal mandal te muc' ajwalile te ya yich' chonel bael soc yinam snich'nab soc spisil te bila ay yu'une, swenta yu'un jich me ya xtojob a te sbete.

Proverbios 22:22

Ma me x'awuts'in te me'baetic ta scaj nax te ma'yuc bila ay yu'un ya awile; ma me x'aten ta c'op ta stojol juez te mach'a ma'yuc bila ya scoltay sba a.

Proverbios 14:31

Teme ya jtentic ta uts'inel te me'bae, ja' me ya cuts'intic a te Jpaswanej cu'untique; yan teme ya jna'beytic yo'bolil sba te me'bae, ja' me ya quich'tic ta muc' a te Jpaswaneje.

Santiago 5:1

Aiya awaiyic stojol jc'ulejetic: Awunanic me ta oq'uel yu'un te woclajel ya xtal ta atojolique.

Amós 8:6

swenta yu'un ya jmantic a te me'baetic; te mach'atic ma'yuc bi ay yu'unique ya jeltic ta jun nax par zapatos. Ja' me ya jchonbeytic te sts'ubil trigoe —xaex ta yalel.

Amós 8:4

Aiya awaiyic stojol, ja'ex te ya atenic ta uts'inel te alumalic te peq'uel ayique, soc te ya awuts'inic te me'baetic ta alumal;

Amós 4:1

Aiya awaiyic stojol, ja'ex antsetic te pajalex soc me' wacax ta Basán ta switsul Samaria, te ya atenic ta uts'inel te me'baetic, soc te c'axem to xan ya awilbeyic yo'tan yu'un te ma'yuc bila ay yu'unique; te ya awalbeyic te amamlalique: “Ich'aic tel vino ya cuch'tic”, te xaex ta stojolique.

Isaías 24:2

Pajal me ya xc'ot ta swenta te sacerdote soc te lume, jich ya xc'ot ta swenta te abat soc te yajwale, jich ya xc'ot ta swenta te criada soc te ants te yajwalineje, jich nix ta stojol te mach'a ya yaiy manbajel soc te mach'a ya yaiy chonbajele, jich nix ta stojol te mach'a ay bila ya yac' ta majanel soc te mach'a ya yich' ta majanele, jich nix ta stojol te mach'a ay sbet soc te mach'a ya yac' ta betanele.

Santiago 5:4

Aiya awaiy stojol, yac ta c'op ta atojolic te stojol sc'ab te j'at'eletic awu'unic te at'ejemic ta aq'uinalique. Ta scaj te la alo'layique jich ma la atojic. Te yoq'uel te j'at'eletic awu'unique, c'otix ta xchiquin te Cajwaltic te Spisil ya xju' yu'une.

Amós 2:6

Jich ya yal xan te Cajwaltique: —Te mach'a ayic ta Israel bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel la xchonic bael te mach'atic ma'yuc smulique; te mach'a me'baetic, jun nax par zapato la sjelic bael a.