Proverbios 22:6 - Bible in Tzeltal de Oxchuc y Tenejapa

⁶ Ac'beya lequil p'ijubtesel te alal te c'alal ch'in to ae, te c'alal ya xmamalub, ma'yuc bi ora ya xch'ay ta yo'tan.

Bible in Tzeltal Bachajón

⁶ Nohptesa te alal ta stojil be, aunque mamalix, ma ba ya yihquitay hilel.

Proverbios 22:6 Referans Kwoze

Efesios 6:4

Ja'ex te sme'-statexe, ma me xawac' te ya x'ilin yo'tan awu'unic te awal-anich'anique. Ja' ya sc'an te lec ya ach'ijtesic, soc te lec ya ap'ijubtesic ta yalalil to, soc te ya atac'uyic ta swenta te Cajwaltique.

Deuteronomio 6:7

Spisil me ora xawac'bey snop te awal-anich'nabe. Ac'beya snopic ta ana soc ta be, te c'alal ya xwayat soc te c'alal ya xjajch'at ta wayele.

2 Timoteo 3:15

Melel ta awalalil to ana'oj te bila ts'ibubil jilel ta Xch'ul Sjun te Diose, te ja' ya yac'bat sp'ijil awo'tan te bit'il ya xcolat ta swenta xch'uunjel awo'tan ta stojol te Cristo Jesuse.

Génesis 18:19

Melel tsabil cu'un te ya me spas ta mandal yal-snich'nab soc te mach'atic ay yu'un ta patil bael, te ya spasic spisil te bitic ya cac'bey snopique, te ya me spasic spisil te bitic lec soc te bitic toj ta pasele, swenta yu'un jich me ya jc'otes ta pasel te bila calojbey sc'oplal ta jamale”, xi' ta yo'tan.

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.

1 Samuel 1:28

Te jo'one cac'ojbeyix ta stojol te Cajwaltique. Te jayeb c'aal cuxul, ja' me yu'un stuquel te Cajwaltique —xi'. Te Elí la squejan sba ta yalel wocol ta stojol te Cajwaltic, la stinan sba coel c'alal ta lum.

1 Samuel 2:26

Pero te querem Samuel yan yan ta muc'ubel. Buen lec sc'oplal ta stojol Dios soc ta stojol te ants-winiquetique.

Deuteronomio 11:19

P'ijtesaic a te awal-anich'nabic, albeya yaiyic ta anaic soc ta be, te c'alal ya xwayex, soc te c'alal ya xjajch'ex ta wayele.

Jueces 13:12

Te Manoa la yalbey: —Te c'alal ya xc'ot ta pasel te bi la awalbotique, ¿bit'il ya sc'an jch'ijtestic te quereme? ¿Bila ya sc'an jpastic soc? —xi'.