Proverbios 22:11 - Bible in Tzeltal de Oxchuc y Tenejapa

¹¹ Te muc' ajwalil, bin nax yo'tan yu'un te mach'a jun yo'tane; soc ya yac'bey yil yutsil yo'tan te mach'a ay sbujts' ya xc'opoje.

Bible in Tzeltal Bachajón

¹¹ Te mach'a ya smulan te sac yo'tan soc te yutsil sc'op, ha amigo ya xc'oht yu'un te ajwalile.

Proverbios 22:11 Referans Kwoze

San Mateo 5:8

“Bin nax me yutsil te mach'atic utstesbil te yo'tanique, te melel ya me yilbeyic sit te Diose.

Proverbios 16:13

Te muc' ajwaliletic c'ux ta yo'tan soc lec ya yil te mach'a toj yo'tan ya xc'opoj soc te jun yo'tane.

Proverbios 14:35

Te abat ya sna' at'el, ya xc'uxtayot yu'un te muc' ajwalile; yan te mach'a ma sna' at'ele, ja' nax stojol ya xc'ot te ilintayel yu'une.

Salmos 101:6

Ja' ya cac' bael jsit ta stojol te mach'atic jun yo'tanic, swenta yu'un joy me jba soc; ja' nax me ya yac' sba ta abatinel cu'un te mach'a toj ay ta q'uinal soc te xcuxlejale.

Salmos 45:2

Ja'at c'axem jich at'ujbilal a te bit'il yantic winiquetique; ma ba wocol ya xloc' t'ujbil c'opetic ta awe. Melel spisil ora yac'ojbat bendición te Diose.

San Lucas 4:22

Spisilic lec bajt' sc'oplal yu'unic te Jesuse, soc bayal ayan yo'tanic yu'un te bit'il buen t'ujbil la yaiybeyic te sc'ope. La sjojc'obey sbaic: —¿Ma bal ja'uc snich'an José in winic to? —xiic.

Daniel 3:30

Te oxeb queremetic ac'botic xan mero muc' yat'elic yu'un te muc' ajwalil, ac'bot swentainic te bitic bayal xan sc'oplal tey ta jsejp q'uinal ta Babilonia.

Ester 10:3

Te Mardoqueo, te judio-winic, ja' sbabial ac'bil ta mandalteswanej yu'un te muc' ajwalile. Mero muc' c'ot sc'oplal ta stojolic te judioetique, mero c'ux ta o'tanil yu'un te slumale, ja' yu'un te la slebey yutsilal te slumale, la yac' puersa ta sleel yutsilal te sts'umbale.

Salmos 24:4

Ja' te mach'a pocbil sc'ab soc yo'tan, te ma'yuc smule; ja' te mach'a ma xch'uun lotil diosetic, soc te ma spas lote.

Proverbios 22:12

Te Cajwaltic ya scanantay te mach'a ay sp'ijile; yan te mach'a ya spas lote, ya me sjinbey sc'op stuquel.

Eclesiastés 10:12

Te sc'op te mach'a ay sp'ijile, ya x'ac'bot yutsil q'uinal yaiy yu'un; yan te sc'op te mach'a ma sna' q'uinale, ja' nix ya xjinot yu'un te sc'ope.

1 Reyes 4:5

Azarías snich'an Natán, jwentainwanej yu'un gobernadoretic; Zabud, snich'an sacerdote Natán, ja' jtojteswanej yu'un te muc' ajwalile;