Proverbios 22:1 - Bible in Tzeltal de Oxchuc y Tenejapa

¹ Ja' bayal sc'oplal te t'ujbiluc jc'oplaltic yu'un yantic; ja' ma'yuc sc'oplal teme ay bayal oro soc plata cu'untic.

Bible in Tzeltal Bachajón

¹ Ha lec xan te lec c'oblalil te bin ut'il bayel c'ulejalil; ha lec xan te lequil c'oblalil te bin ut'il plata o te oro.

Proverbios 22:1 Referans Kwoze

Eclesiastés 7:1

Ja' bayal yutsil te mach'a buen lec sc'oplale; ja' peq'uel sc'oplal te lequil perfume. Ja' bayal yutsil te bi c'aalil ya xlajotique; ma ja'uc bayal yutsil te bi c'aalil ayinotique.

San Lucas 10:20

Ja'uc me to, ma me ja'uc nax ay sbujts' awo'tanic yu'un te bit'il ya xch'uunbeyex amandalic te pucujetique. Ja'uc me ay bayal sbujts' awo'tanic yu'un te bit'il ts'ibubilix abiilic ta bay te ch'ulchane —xi' te Jesuse.

1 Reyes 1:47

Te j'at'eletic yu'un te muc' ajwalil David c'o spatbeyiquix yo'tan, soc la yalbeyic wocol Dios te muc' ya xc'ot te Salomón, soc te yacuc xmuc'ub xan yat'el, c'axemuc jich a te bit'il yat'el David. Ja' nix jich te muc' ajwalil David, la stinan sba ta swayib ta xch'uunel te Diose,

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Hechos 7:10

Coltayot yu'un spisil te swocol la stae, soc ac'bot sp'ijil yo'tan yu'un te bin nax me yutsil ya x'ilot yu'un te Faraone, ja' te muc' ajwalil ta Egipto, soc la yac'bey swentain spisil te bitic ay yu'un ta palacio.

Hebreos 11:39

Ta spisilic in to lec c'otic ta loq'uel stuquelic ta swenta bit'il ay xch'uunjel yo'tanic. Ja'uc me to, ma to bay c'ot ta swentaic te bila yaloj Dios te ya x'ac'bot yu'uninique,

Proverbios 10:7

Te mach'a toj yo'tan, ya yich' na'el ta puro bendición; yan te mach'a amen yo'tane, ora nax ya xch'ayot ta o'tanil stuquel.