Proverbios 21:8 - Bible in Tzeltal de Oxchuc y Tenejapa

⁸ Ma me bay tojoben yat'el te mach'a amene; yan te yat'el te mach'a lec yo'tane, toj ay stuquel.

Bible in Tzeltal Bachajón

⁸ Ma tojuc te be yu'un te mach'a ay smul, yan te bintic ya spas te mach'a mayuc smul ha toj stuquel.

Proverbios 21:8 Referans Kwoze

Proverbios 2:15

te ja' st'unojic te ma stojil beuque, te jowejemic ta toj be.

1 Juan 3:3

Spisil mach'a yac ta smaliyel te jich ya xc'ote, ac'a me yutstes te yo'tane, jich te bit'il yo'tan te Jesucristoe.

1 Juan 2:29

Teme ana'ojiquix stojol te bit'il toj yo'tan te Jesucristoe, na'aic me xan stojol jiche: Te mach'a yat'elinej spasel te bila toj ta pasele, ja' yal-snich'an Dios abi.

Tito 3:5

Melel te jo'otique, ma ta swentauc cat'eltic te la scoltayotique; ta swenta nax xc'uxul yo'tan te la quich'tic atintesel yu'un, la yac' cha'ayinucotic xan, soc la yac'botic quich'tic yach'il cuxlejal ta swenta te Ch'ul Espiritue.

Tito 3:3

Melel te jo'otique jichotic ta neelal uuc. Ma jna'tic q'uinal, jc'axintay-mandalotic, jowejemotic, mosoinbilotic yu'un te bila ya smulan te jbaq'uetaltique. Jich ayotic tel ta spasel spisil ta jten mulil, bic'tal-o'tanil, jex-o'tantaywanej, talel c'axel lab-o'tantayej jbajtic.

Tito 1:15

Te mach'atic utstesbil yo'tanique, yu'un nanix lec sc'oplal yu'unic spisil te bitic aye. Yan te mach'atic ma lecuc te yo'tanique, ma'yuc xch'uunjel yo'tanic, xujt' ma'yuc bi lec sc'oplal yu'unic, melel xujt' ma'yuc swentail te bila snopoj ta yo'tanique.

1 Corintios 3:3

te melel swentainejex to te abaq'uetalique. Melel tey chican a te ay to paichal ta awo'tanic, ya ajachic c'op, soc ya ajat abaic. ¿Ma bal ja'uc yat'el abaq'uetalic in to? Melel jich ya apasic te bila ya spasic spisil te ants-winiquetic te ma ba xch'uunejic te Diose.

Hechos 15:9

Pajal quileltic la yilotic soc te jyanlumetique, jich Dios la yutstesbey yo'tanic ta swenta te xch'uunjel yo'tanique.

San Mateo 12:33

“Teme lec te te'e, lec te sit ya yaq'ue. Yan teme amen te te'e, amen sit ya yac' stuquel. Melel te te'e ya jna'beytic sba ta swenta te site.

San Mateo 5:8

“Bin nax me yutsil te mach'atic utstesbil te yo'tanique, te melel ya me yilbeyic sit te Diose.

Daniel 12:10

Ay me mach'atic bayal ya xc'ax yu'un te woclajel albil sc'oplale, pero buen lec me soc buen chapalic me ya xloq'uic yu'un. Te mach'atic amen yo'tanique, stalel me ya xjilic ta spasel xan te bitic amene, melel ma me xc'ot ta yo'tan stuquelic te bila ya xc'ot ta pasele. Yan te mach'atic ay sp'ijilique, ya me sna'ic spisil stuquelic.

Eclesiastés 9:3

Te bila amen ya xc'ax ta pasel ta balumilale, ja' te pajal quechel ya xc'ot ta swentaic spisilique. Soc yan xan, te bila ya snop ta sjol soc ta yo'tan te ants-winique, nojel ta bila amen; ja' te mulile, ja' u'uninbil yu'un ta sjol te jayeb c'aal cuxule. Te bila mero slajibale, ja' te c'oel ta muquenale.

Eclesiastés 7:29

Ja' nax jtaoj in to: ja' te bit'il buen toj yo'tan pasot yu'un Dios te ants-winiquetique, pero te ants-winiquetic chujc'ulajix yu'unic te xcuxlejalique.

Proverbios 30:12

Ay mach'atic ya scuy sbaic te mero ma'yuc smulic; ja'uc me to, ma ba yac'oj sbaic ta lecubtesel te bila bolobenic yu'une.

Proverbios 15:26

Te Cajwaltic ma smulan bitic chapal yu'un te mach'atic amen yo'tanique; ja' bin nax yo'tan yu'un te c'opetic te ma amenuque.

Génesis 6:12

melel bolobenix spisil te ants-winiquetique. Te bit'il la yil te Diose,

Tito 2:14

Ja' la yac' sba ta lajel ta jwentatic stuquel. Jich la scoltayotic loq'uel ta bay te bila amen jpasojtique, soc jich la yutstesbotic co'tantic swenta yu'un lumotic yu'un ya xc'ot te toyol co'tantic ta spasel spisil te bila lec ta pasele.

Proverbios 21:9

Ja' lec teme ch'in xejt' xanix na te banti ya xnainotique; ja' ma lecuc teme muc'ul na ay cu'untic, teme mero ma xlamaj yo'tan ta utaw te antse.

Isaías 26:7

Te be yu'un te mach'atic toj yo'tanique toj nax ay; ja'at, Cajwal, ya apamanbey te sbe.

Isaías 59:8

Ma sna'beyic sbelal te lamal-o'tanile; te yat'elic ma'yuc bila toj tey a. Ma ba toj te be st'unojique; te mach'atic ya st'unic, ma ba ya staic lamal-o'tanil tey a.