Proverbios 21:5 - Bible in Tzeltal de Oxchuc y Tenejapa

⁵ Te bitic chajbanbil te mero nopbile, lec ya xc'ot ta pasel; yan teme animal chajbanbile, ma lecuc ya xc'ot.

Bible in Tzeltal Bachajón

⁵ Te bintic chahpambil te nopbil ta lec, ya yac' te ay bintic ya yich' tahel a, pero spisil te bin ahnimal chahpambil ya yac' pobrehil.

Proverbios 21:5 Referans Kwoze

Proverbios 10:4

Jteb nax at'el, ya yac' me'bail; bayal at'el, ya yac' c'ulejalil.

Proverbios 13:4

Te mach'a ch'aj, ma sta te bila ya sc'an yo'tane; yan te mach'a ya x'at'eje, ya x'esmaj sbiluc stuquel.

Efesios 4:28

Te mach'a ya x'elc'aje, ma me xyaiyix te elec'. Ac'a at'ejuc soc sc'ab ta spasel te bila lec ta pasele, swenta yu'un jich me ay bi ya xju' yu'un ya yac'bey te mach'a ay bila ma'yuc yu'une.

Proverbios 14:29

Teme ya xcujch' cu'untic te wocole, ya me cac'tic ta ilel a te bayal sp'ijil co'tantic; yan teme ma xcujch' cu'untique, ja' ya cac'tic ta ilel a te smuc'ul sbolil co'tantique.

Proverbios 28:22

Te mach'a jbic'tal-o'tan, ma xway yo'tan yu'un sleel sc'ulejal, soc ma sna' te ya xtal ta stojol te me'baile.

Proverbios 20:21

Te bila ma wocoluc ya jtatic ta leele, ta slajibal ma'yuquix sbujts' co'tantic yu'un.

Proverbios 19:2

Te mach'a toyol yo'tane, ma lecuc teme ma ba ya snop neeluc te bila ya spase; te mach'a bayal ya x'animaj yo'tane, ya sta falta yu'un.

Proverbios 29:20

Ya xju' te ay bila lec ya yal jtebuc te mach'a ma sna' q'uinal; ja' ma lecuc te mach'a ma snop neeluc te bila ya yale.