Proverbios 21:4 - Bible in Tzeltal de Oxchuc y Tenejapa

⁴ Te mach'a stoyoj sba ta sit-yelaw soc te toyba-o'tan aye, ja' mulil ta spisil te bitic ya yaq'uic ta ilele.

Bible in Tzeltal Bachajón

⁴ Te toyba sitil soc te toyba-o'tanil, te snopojibal yu'un te mach'atic chopolic, ha mulil.

Proverbios 21:4 Referans Kwoze

1 Pedro 5:5

Ja'ex uuc te jch'ielexe: Junuc me awo'tan ch'uunbeyaic smandal te ancianoetic te yich'oj yat'elique. Soc ta apisilic talel c'axel me xach'uunbey aba amandalic. Peq'uel me xawac' abaic, te melel: “Dios scontroinej te mach'atic stoyoj sbaique. Yan te mach'a peq'uel yac'oj sbaique, ya xc'uxtay stuquel”, te xie.

Proverbios 6:17

Ja' te mach'a chican ta sit-yelaw te stoyoj sbae, ja' te mach'a ya spas lot, ja' te mach'a ya smil mach'atic ma'yuc smulic,

Isaías 2:17

Te mach'atic muc' yac'oj sbaic soc te toyol yac'oj sbaique, jc'axel me ya yich'ic pejc'anel ta jyalel. Te bi c'aalil ya xc'ot ta pasele, ja' nax me stuquel te Cajwaltic te ya yac' ta ilel te smuc'ule;

Proverbios 8:13

Te yich'el ta muc' te Cajwaltique, ja' te scontroinel te bila amene. Jo'on ya quilay te toyba-o'tanil soc te toybaile, soc te be te amene soc te pas-lote.

Romanos 14:23

Yan teme ay mach'a ya x'ayan yo'tan yu'un te bila ya swe'eline, jich me ya sta smul ta stojol Dios a, melel ma ta swentauc xch'uunej yo'tan ya spas. Spisil te bitic ma ja'uc ta swenta xch'uunjel-o'tanil te ya yich' pasele, ja' mulil abi.

San Lucas 18:14

Ya calbeyex: Te jc'an-patane libre c'otix ta stojol Dios te c'alal sujt' bael ta snae. Yan te fariseo ma'yuc bila la sta stuquel, melel te mach'a cajal ya yac' sbae, peq'uel me ya xc'ot. Yan te mach'a peq'uel ya yac' sbae, ja' me cajal ya xc'ot stuquel —xi' te Jesuse.

Isaías 3:16

Te Cajwaltic jich la yal xan: —Te antsetic ta lum Sión, te cajal yac'oj sbaique, te stoyoj sjolic ta beele, te yac ta c'abuywanej, te jxujt' ma'yuc q'uexlal ta sitique; c'alal ya xbeenic, yaquic ta beel ajc'ot, soc te yac ta yixlanel yacanic ta beele.

Proverbios 21:27

Te Cajwaltic ya yilay te smajt'an ya x'ac'bot yu'un te mach'atic amen yo'tanique, melel ma lecuc te yo'tanique.

Proverbios 15:8

Te majt'aniletic ya yaq'uic te mach'atic amen yo'tanic, ya yilay te Cajwaltique; yan te mach'atic toj yo'tanique, bin nax yo'tan ya stsacbey sc'op stuquelic.

Salmos 10:4

Ya nax yixlan sni' ta ixta c'op, soc jich ya yal: “Ma'yuc Dios; ma'yuc ich'el ta c'op”, xi'. Jich ya snop ta yo'tan.

Isaías 2:11

Te jtoybaetic ya me stinan sbaic ta stojol; te jtoyba-o'tanetic ya me yich'ic pejc'anel. Te bi c'aalil ya xc'ot ta pasele, ja' nax me stuquel te Cajwaltic te ya yac' ta ilel te smuc'ule.

Proverbios 30:13

Ay mach'atic scuyoj sbaic ta muc' sc'oplalic; cajal yac'oj sbaic soc sitic, ta yilel te yantique.

San Lucas 11:34

Te asite jich c'oem te bit'il c'ajc' te ya yil q'uinal a te abaq'uetale. Teme lec ay te asite, scojt'ol abaq'uetal sacubenix q'uinal ta stojol. Yan teme amen te asite, scojt'ol abaq'uetal ayat ta ijc' q'uinal yu'un.

Proverbios 24:20

Melel te mach'atic amen yo'tanique, ma ba lec ya xc'otic ta slajibal; te j'ixta-o'tan jich ya xtup' bael te bit'il te c'ajq'ue.

Job 18:5

Te mach'a amen yo'tan ya me xtup' te luz yu'un, te sc'ajq'ue ma ba ya xtilix.

Job 18:6

Ya me xtup' te luz yu'une; ma xchicnaj xojobil ta sna.

Salmos 101:5

Ya me jcom te mach'atic muquen ya slebeyic smul te spat-xujq'ue; ma jc'an te mach'a toyba, soc te muc' ya yac' sbae.

Salmos 131:1

Cajwal, ma ba ya stoy sba co'tan; soc ma ba toyol ya yac' sba te jsite. Ma ja'uc ay co'tan a te bila muq'uic; soc ma ja'uc ya jc'an te bitic toyol sc'oplal te ma jnujp'in yu'un te smuc'ule.

Proverbios 6:16

Ay waqueb ta jchajp, asta juqueb, te bila jc'axel yilayej te Cajwaltique:

Isaías 10:12

Te c'alal pasbilix yu'un Cajwaltic ta spisil te bila ya sc'an yo'tan spasel ta wits Sión soc ta Jerusalén, ya me yac'bey castigo te muc' ajwalil yu'un Asiria ta scaj yat'el ta uts'inwanej, soc ta scaj stoybail te la yaiyix tsalawe.