Proverbios 21:21 - Bible in Tzeltal de Oxchuc y Tenejapa

²¹ Te mach'a ya sle te toj-o'tanil, soc te jun yo'tan sba soc yantic, ya me sta cuxinel, soc ya me sta ich'el ta muc' yu'un.

Bible in Tzeltal Bachajón

²¹ Te mach'a ya st'un te bin toj ta pasel soc te c'uxultaywanej ya sta scuxlejal, te bin toj ta pasel, soc ich'el ta muc'.

Proverbios 21:21 Referans Kwoze

San Mateo 5:6

“Bin nax me yutsil te mach'atic ayic ta wi'nal soc te taquin yo'tanic yu'un te bila toj ta pasele, te melel ya me xnojesbot ta yo'tanic te bila leque.

1 Corintios 15:58

Jich yu'un, quermanotac te c'uxex ta co'tane, ac'a me junajuc awo'tanic ta lec spisil ora. Yan yanuc me ta muc'ubel awu'unic te yat'el te Cajwaltique, melel ya ana'ic te ma tojoluc te ya awac' abaic ta abatinel yu'un te Cajwaltique.

Proverbios 22:4

Teme ya jpejc'an jbajtic ta stojol te Cajwaltique, soc teme ya quich'tic ta muq'ue, ya xtal jmajt'antic yu'un: ja' te c'ulejalil, te ich'el ta muc', soc te cuxlejale.

Hebreos 12:14

Leaic me te lamaluc nax q'uinal awu'unic soc spisil te yantique. Ch'ultesbiluquex me, melel teme ma jichuque, ma'yuc mach'a ya xc'o yilbey sit te Cajwaltique.

1 Timoteo 6:11

Ja'uc me to, te ja'at te swinicat te Diose, xi'a me spisil te bila la calixe. Ja' me xbajt' ta awo'tan te toj ya x'ainate soc te jun awo'tan ta stojol te Diose, soc te ayuc lec xch'uunjel awo'tan soc xc'uxul awo'tan soc yip awo'tan, soc te peq'ueluc ya awac' aba spisil ora.

Proverbios 15:9

Te Cajwaltic ya yilaybey yat'elic te mach'atic amen yo'tanique; yan te mach'a toj ay soc te xcuxlejale, c'ux ya yaiy ta yo'tan stuquel.

2 Timoteo 2:22

Ma me xac'ain spasel te bila amen ya smulanic spasel te jch'ieletique. Ja' me xbajt' ta awo'tan te toj ya x'ainate, soc te ayuc lec xch'uunjel awo'tan soc xc'uxul awo'tan, soc te lamaluc q'uinal awu'un. Joina te mach'atic lec yo'tanic te ya yalbeyic wocol te Cajwaltique.

Isaías 51:1

Ya xc'opoj te Cajwaltic, jich ya yal: —Aiybon awaiyic stojol apisilic te mach'aex ya ac'anic te toj ya xcuxinex, soc te ya aleonique. Ilawilic te ton banti la awich'ic loq'uesel tele; ja' te yawil ton te bay la awich'ic bulel loq'uele.

1 Pedro 1:7

Melel te bit'il ay xch'uunjel awo'tanique, ay yiljibal awo'tanic yu'un. Jich c'oem te bit'il oro te bayal yutsilal te ya yich' ultesel ta c'ajc' yu'un ya yich' ilel teme ma'yuc scape. Te xch'uunjel-o'tanil te ya spasot ta pruebae, c'ax jich ay sc'oplal stuquel te bit'il ay sc'oplal te oro te puersa ya xlaje. Teme chican te ay xch'uunjel awo'tanique te pasbil ta pruebae, lec me sc'oplal ya xc'ot, soc ay me yutsil, soc bayal me sc'oplal ya xc'ot te c'alal ya xchicnaj tel te Jesucristoe.

Romanos 14:19

Jich yu'un, ac'a me cantaytic te bila lamal q'uinal ya caiytic yu'une, jich me ya xmuc'ub ta ch'uunel cu'untic a te Diose.

1 Tesalonicenses 5:21

Tsajtayaic me spisil te sc'opique, soc ac'a me ta awo'tanic ta bay leque.

Filipenses 3:12

Ma yu'unuc ju'emuquix cu'un spisil te bit'il jich ya cale, soc ma xju' ya cal te jc'axel toj ayonixe. Ja'uc me to, ya me cantay bael te lecuc ya xc'oone, melel ja' swentail te la staon te Cristo Jesuse.

Oseas 6:3

Ya me jpastic tulan ta sna'beyel sba te Cajwaltique. Te Cajwaltic ya xtal ta jtojoltic, ta smelelil, jich bit'il ya xloc' tel te c'aale, ta smelelil, jich bit'il ja'al ya yajch'es te lumq'uinal ta yorail otoño soc ta primavera.

Proverbios 3:22

melel ja' me sloq'uibja' c'oem te ya yac'bat acuxlejal soc ja' me ach'alil jichuc ualil.

Salmos 112:4

Jich me te bit'il luz ta yolil ijc' q'uinal, te ya xojobaj ta stojol mach'atic te lec yo'tanique. Ya sna' yo'bolil jbatic, t'ujbil yutsil yo'tan soc toj te yo'tan.

Proverbios 10:16

Te stojol ya sta te mach'a toj yo'tan, ja' te xcuxlejale; te sit ya stabey te mach'a amen yo'tan, ja' te mulile.

Proverbios 11:19

Te mach'a ya st'un te bila toj ta pasele, ay me ta sbelal cuxlejal; yan te mach'a ya st'un te bila amene, ja' me ay ta sbelal lajel stuquel.