Proverbios 21:16 - Bible in Tzeltal de Oxchuc y Tenejapa

¹⁶ Te ants-winic te ma st'un te sbelal te p'ijil c'ope, ya me xc'o stejc'an sba ta yolilic te mach'atic lajemique.

Bible in Tzeltal Bachajón

¹⁶ Te winic te ya yihquitay hilel te be yu'un p'ijil-o'tanil ya xc'oht sjoquin te mach'atic chamenic.

Proverbios 21:16 Referans Kwoze

Hebreos 10:38

Te mach'a toj ya x'ilot yu'un Dios, ya me xcuxin ta swenta xch'uunjel yo'tane. Yan teme ya sujt' ta spate, ma ba lec co'tan yu'un”, te xie.

Salmos 125:5

yan te mach'atic amen be st'unojic, tey xawac' bael ta banti ay te bila stalel ya xc'ot ta swentaic te mach'atic amen yat'elique. ¡Ac'a lamajuc q'uinal ta stojol Israel!

Salmos 49:14

Te ants-winiquetic in to, ja' jcanantaywanej yu'unic te lajele; ja' me ya xmacotic bael ta muquenal yu'un, jich bit'il ya yich' maquel bael ta scorral te chijetique. C'alal ya sta yorail te ya sacub q'uinale, ya me tsalotic yu'un te mach'atic lequique, xquechet me ya xpejc'aj yipic stuquelic; ja' me snaic ya xc'ot stuquelic te muquenale.

Judas 1:12

Ja' nax ya sboltesbeyex ac'oplalic te bit'il sjoinejex ta spasel te q'uin swenta c'uxul-o'tanile. Melel xchinchon nax q'uinal yu'unic tey a te yacalic ta we'el-uch'ajele. Ja' nax ya sle stuquelic te bila ya xtuun yu'unique. Pajalic soc tocal te ma'yuc ya'lel, te bayuc ya x'eanot bael yu'un te iq'ue. Pajalic soc te'etic te ma xyac' sit ta yoraile, te cheb buelta lajemique, soc te bulbil loq'uel soc te yisime.

1 Juan 2:19

Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

Efesios 2:1

Jich te ja'exe, Dios la yac'beyex acuxlejalic te c'alal lajemex yu'un te la ac'axintayic mandal soc te la ale amulique.

Sofonías 1:6

Ja' nix jich ya jlajin te mach'atic ya xchebaj yo'tanic ta jtojole, te mach'atic ma ba ya sleonic soc ma xnoptsajic tel ta sjojc'oyel te jc'ope —xi'.

Proverbios 13:20

Joina aba soc te mach'atic ay sp'ijilique, jich me ya ata ap'ijil; joina aba soc te mach'atic ma sna'ic q'uinale, jich me ya ach'ay aba ta jc'axel.

Proverbios 9:18

Pero ma ba ya sna'ic bit'il c'oemic te mach'atic ic'otiquix bael yu'une, melel yo'tic ayiquix ta sc'ubulil yawil te lajele.

Proverbios 2:13

ja' te mach'atic ya yijq'uitayic te lequil be, te ya st'unbeyic sbelal yijc'al q'uinale,

Proverbios 11:19

Te mach'a ya st'un te bila toj ta pasele, ay me ta sbelal cuxlejal; yan te mach'a ya st'un te bila amene, ja' me ay ta sbelal lajel stuquel.

Ezequiel 18:24

“Pero teme ya squejch'an spasel te bila stojil ta pasel te mach'a toj yo'tane, teme ja' ya spas te bila amen ta pasel te ilaybil cu'une, jich te bit'il te mach'a amen yo'tane, ¿ya bal acuyic te ya to xcuxin te mach'a jich ya spase? Te jo'one ma ba ya jna'beyix te bitic lec spasoje. Ya me xlaj ta scaj smul, yu'un ma junuquix yo'tan.

Proverbios 5:23

Scaj te ma tojuc ya yac' sba te ya xbajt' ta lajele; ja' nix te smuc'ul sbolil te ya x'ic'ot bael ta ch'ayel yu'une.

Proverbios 19:16

Te mach'a ya xch'uun te mandalil, ja' me ya scanantay te xcuxlejale; te mach'a ya yilay te p'ijubtesel yu'un Cajwaltic, ya me xlaj stuquel.