Proverbios 21:15 - Bible in Tzeltal de Oxchuc y Tenejapa

¹⁵ Teme toj ay te chajbanele, bin nax yo'tan yu'un te mach'a toj yo'tane; yan te mach'atic amen yat'elique, ya me xc'ot jinel ta stojolic.

Bible in Tzeltal Bachajón

¹⁵ Te stojil chahpanel, tse'el yo'tan yu'un te mach'a toj yo'tan, pero ya ya'be xiwel te mach'atic chopol ya'telic.

Proverbios 21:15 Referans Kwoze

Proverbios 10:29

Te Cajwaltic ya scanantay te mach'atic lec bi ya spasique; yan te mach'atic ma lecuc bi ya spasique, ya slajin stuquel.

San Mateo 7:23

Jich me ya calbey ta jamal: “Xujt' ma jna'beyex abaic. Q'ueja abaic ta jtojol, ja'ex te la apasic te bila ma lecuque”, ya me cut.

Isaías 64:5

Te ja'ate jun awo'tan ya awic' te mach'a ya spas bila lec soc yutsil yo'tane, soc teme ya sna' ta yo'tan spasel te bila ya sc'an awo'tan te ja'ate. Ilinemat, melel jtaojtic jmultic; ayix bayal ja'wil te la cac'tic bolobuc awo'tan cu'untique.

Eclesiastés 3:12

Ya jna' te bi mero lec ya spas te ants-winiquetique: Ya sc'an te ya sc'ases yo'tanic ta smulanel te bitic aye, soc ya sc'an ya yaiybeyic yutsilal te cuxlejale.

Proverbios 21:12

Te Dios te stalel toj yo'tan, ya stsajtaybey yil sna te mach'a amen yo'tane, soc ya yac'bey ta jinel sna te mach'atic amen yo'tanique.

Proverbios 5:20

Jnich'an, ¿bi stuc ya awac' spotsbat awo'tan te yan antse? ¿Bi stuc te ya amey apet aba soque?

Salmos 119:16

Bin nax co'tan yu'un te mandaliletic awu'un; ma xch'ay ta co'tan te ac'ope.

Salmos 112:1

¡Bin nax yutsil te Cajwaltique! Bin nax me yutsil te mach'a ya yich' ta muc' te Cajwaltic, te lec ya yaiy ta yo'tan te mandaliletic yu'une.

Salmos 40:8

Dios cu'un, jo'on ya jmulan spasel te bila ya sc'an awo'tane; quich'oj ta yolil co'tan te mandal awu'une”, xoon.

Romanos 7:22

Ta mero yutil te co'tane, bin nax co'tan yu'un te mandalil yu'un te Diose.

San Juan 4:34

Te Jesús jich la yal: —Te jwe'ele ja' te ya jpasbey sc'anjel yo'tan te mach'a la sticunon tele, ja' to chican ya ju'tes.

Salmos 119:92

Te manchuc bin nax co'tan yu'un te p'ijubtesel awu'une ch'ayonix ta q'uinal yu'un mel-o'tan te jichuque.

Proverbios 21:16

Te ants-winic te ma st'un te sbelal te p'ijil c'ope, ya me xc'o stejc'an sba ta yolilic te mach'atic lajemique.