Proverbios 21:10 - Bible in Tzeltal de Oxchuc y Tenejapa

¹⁰ Te mach'a amen yo'tan, ja' nax ay ta yo'tan spasel te bitic ma lecuque; mero ma xtal ta yo'tan te ya xc'uxtay te mach'atic pajal cuxul ta q'uinal soque.

Bible in Tzeltal Bachajón

¹⁰ Te mach'a chopol yo'tan ha nax ya sc'an te bintic chopol; te spat-xuhc ma ba ya xc'uxultayot yu'un.

Proverbios 21:10 Referans Kwoze

1 Juan 2:16

Melel ta spisil te bitic ay ta balumilale, ja' te bitic ya sc'an te jbaq'uetaltique, soc te bila ya smulan yilel te jsitique, soc te toybail ta cuxinele, ma ja'uc yac'oj te Tatile. Spisil in to, ja' yac'oj te balumilale.

Proverbios 3:29

Ma me ayuc bitic amen xachap ta stojol te mach'a jun yo'tan ta atojole.

Santiago 2:13

Melel te mach'a ma ba la yaiy c'uxtaywaneje, ja' nanix jich ma ba ya yich' c'uxtayel uuc c'alal ya yich' ich'el ta c'op. Yan te mach'a la yaiy c'uxtaywaneje, lec me ya x'ilot stuquel te c'alal ya yich' ilel te yat'ele.

1 Corintios 10:6

Spisil in to, ja' ejemplo c'ot ta jtojoltic te jo'otique, swenta yu'un ma me xbic'taj co'tantic yu'un te bila amene, jich te bit'il bic'taj yo'tanique.

Proverbios 21:13

Te mach'a ma xyich'bey ta wenta te bi ya yal wocol yu'un te me'ba, ja' nix me jich ma x'ac'bot sujt'ib te c'alal ya sc'an coltayele.

Proverbios 12:12

Te bic'tal-o'tanile, ja' syaquic te mach'atic amen yo'tanique; yan te yiptajib te mach'atic toj yo'tanique, sbajt'el q'uinal ay stuquel.

Salmos 112:9

Ya smajt'antes te me'baetic; spisil ora ay te sc'uxul yo'tane. Jamal me sit-yelaw; ma me ayuc q'uexlal ta stojol.

Salmos 112:5

Te mach'a lec yo'tan ma'yuc bi ya st'ut'iltay yaq'uel ta majanel, soc toj yo'tan ta xchonel te sp'olmale.

Salmos 36:4

Metsel ta wayel a, ya snop ta yo'tan spasel te bila amene; stsacoj ta jyalel te amen be, ma sc'an yijq'uitay ta yo'tan te bila amene.

Proverbios 2:14

te bin nax yo'tanic yu'un te ya xju' yu'unic uts'inwaneje, te q'uin c'oem yu'unic te bila amen ya spasique,

Proverbios 14:21

Te mach'a ya yilay spat-xujc', ya sta smul ta stojol; ja'uc me to, bin nax yutsil te mach'a ya sna'bey yo'bolil sba te me'bae.

Proverbios 21:9

Ja' lec teme ch'in xejt' xanix na te banti ya xnainotique; ja' ma lecuc teme muc'ul na ay cu'untic, teme mero ma xlamaj yo'tan ta utaw te antse.