Proverbios 21:1 - Bible in Tzeltal de Oxchuc y Tenejapa

¹ Ay ta sc'ab Cajwaltic te yo'tan te muc' ajwalile, jich me toj ya xbeen te bit'il muc'ja', jich te bit'il ya sc'an yo'tan te Cajwaltique.

Bible in Tzeltal Bachajón

¹ Te yo'tan te ajwalil hich ay te bin ut'il be-ha' ta sc'ab Jehová, ha ya stojobtes bahel chican bin ya sc'an yo'tan stuquel.

Proverbios 21:1 Referans Kwoze

Proverbios 16:9

Te ants-winiquetic ay ta swentaic te bila ya xchapique; ja'uc me to, ja' me ya xtojtesotic ta spasel yu'un te Cajwaltique.

Proverbios 20:24

Te Cajwaltic ja' ya stojtes ta beel te ants-winiquetic; ma'yuc mach'a ya sna' stojol te bi yilel ya xc'ote.

Esdras 6:22

Juqueb c'aal bin nax yo'tanic la spasic te q'uin swenta waj te ma ba yich'oj levadurae. Ja' nix te Cajwaltic te ac'botic yutsil yo'tanic yu'un, te bit'il Dios la yac'bey te muc' ajwalil ta Persia te ya xna'bot yo'bolil sbaic yu'une, soc te coltayotic ta xcha'pasel xan te templo yu'un Dios, ja' te Dios yu'un Israele.

Hechos 7:10

Coltayot yu'un spisil te swocol la stae, soc ac'bot sp'ijil yo'tan yu'un te bin nax me yutsil ya x'ilot yu'un te Faraone, ja' te muc' ajwalil ta Egipto, soc la yac'bey swentain spisil te bitic ay yu'un ta palacio.

Proverbios 16:1

Ay bila ay ta swentaic xchapel te ants-winiquetique; pero Cajwaltic, ay ta swenta yalel ta slajibal teme ya xc'ot ta pasele.

Daniel 4:35

Ta stojol stuquel, mero ma'yuc swentail te mach'atic ayic ta balumilale. Ja' me ya spas ta ch'ulchan soc ta balumilal te bila ya sc'an ya spase. Ma'yuc mach'a ya xju' yu'un ya scombey te yu'ele; ma'yuc mach'a ya xju' yu'un ya sjojc'obey bi yu'un jich ya spas.

Salmos 106:46

Asta te jtsalawetic yu'unic, la yac'bey yilic yutsil yo'tanic ta stojolic.

Isaías 43:19

Ay me bi yach'il ya jpas, ya me awil te yo'tic nix ya xchicnaje. Ya jam be ta jochol taquin q'uinal soc ya cac' ja'etic tey a.

Salmos 105:25

Pero la yac' ta controinel yu'un egipcioetic te lum yu'un; la yac' ta lo'layel te abatetic yu'une.

Nehemías 2:4

—¿Bi ya xju' ya jpasbat ta awenta? —xi' ta sjojc'oyel te muc' ajwalile. La jc'opon ta co'tan te Dios ta ch'ulchane.

Nehemías 1:11

Ya calbat wocol jiche, Cajwal, te yacuc awich'bon ta wenta te jc'ope, soc te sc'opic te abatetic awu'une te yacalic ta yalel wocol ta atojol, te ja' nax bayal sc'oplal ta yo'tanic te ya x'ich'otat xan ta muq'ue. Soc ya jc'anbat te lecuc ya xc'oon ta stojol te muc' ajwalile, soc te yacuc atijbey yo'tan, te lecuc yo'tan ta jtojole —xoon ta sc'oponel Dios.

Salmos 74:15

Ja'at la awac' t'omuc loq'uel tel sloq'uibja' soc muc'ja'etic; la awac' taquejuc te muc'ja'etic te ma xtaquej sc'oplale.

Isaías 44:27

Jo'on ya xju' ya cal mandal te ya xtaquej te mar, soc te beja'etic yu'un, mero ma'yuc ya'lel ya xjil.

Salmos 93:4

Yan te ja'at Cajwal, te ayat ta toyol, cajal xan awu'el a te bit'il yip sbul te mare, soc te bit'il ya xc'opoj te mare.

Apocalipsis 16:12

Te swaquebal ch'ul abate ba smal ta bay muc'ja' Eufrates te copa yich'oje. Jich taquej te muc'ja'e, swenta yu'un jamal sbeic ya xc'otic a te muc' ajwaliletic te ya xtalic ta bay te sloq'uib c'aale.

Apocalipsis 16:4

Te yoxebal ch'ul abate ba smal ta muc' ja'etic soc ta sloc'ja'etic te copa yich'oje. Jich c'atp'uj ta ch'ich' spisil te ja'etique.

Salmos 114:5

¿Mar, bi la apas te anate? ¿Jordán, bi la apas te sujt'at ta apate?

Salmos 114:3

Te c'alal ilot yu'un mar te Israel, loc' ta anel te mare; jich te muc'ja' Jordán, sujt' ta spat.

Jeremías 39:12

—Ic'a ta atojol, canantaya, soc ma me bila amen xawalbey. Ac'beya spisil te bila ya sc'anbate —la yut.

Éxodo 7:3

Ja'uc me to, ya me cac' xtulanajuc yo'tan ta lec te faraón, yu'un ya me jpasbey bayal ta jchajp señailetic ta stojol.

2 Reyes 19:33

Tey ta be ta banti tale, tey ni me ya sujt' bael a; ma ba ya x'och li' ta lum in to. Jo'on Ajwalilon, te la cal.

Esdras 1:1

Ja' in to ja' sc'oplal te bila c'ot ta pasel ta sbabial ja'wil yochel ta muc' ajwalil yu'un Persia a te Ciro. Jich c'ot ta pasel a te bila yaloj Cajwaltic ta swenta te Jeremías. Te Cajwaltic la stijbey yo'tan te Ciro te yacuc yal mandal ta stojol te israeletique. La yich' puquel ta alel sc'oplal soc ta ts'ibubil junetic ta spamal q'uinal te banti c'alal swentaineje. Jich ay te smandale:

Esdras 1:2

“Ciroon muc' ajwalilon yu'un Persia, ya cal ta jamal in to: Te Ajwalil te Dios ta ch'ulchane, la yac'bonix ta jc'ab spisil q'uinaletic yu'un te ajwaliletic ta balumilale. La yac'bon ta jwenta spasel templo ta Jerusalén te ay ta sq'uinal Judá.

Nehemías 2:8

Soc yan xan jun ts'ibubil yu'un ya xc'o cac' ta stojol Asaf te ja' jcanan-te'etic yu'un te muc' ajwalile, swenta yu'un yacuc yac'bon te' swenta yu'un ya me cac'bey xan te spuertail te toyol ts'ajc' yu'un te templo, soc nix te sjoyob ts'ajc'ul te lume, soc nix te na banti ya xnainone —la cut. Te muc' ajwalile spisil la yac'bon, melel ja' nix te Dios cu'un te la scoltayon ta c'op ta swenta te yutsil yo'tane.

Ester 2:17

Te Asuero mero la smulan te Ester, ma'yuc yan ants jich smulanej a. Jich la yu'uninbey yo'tan te Asuero te Ester. Jich la xc'uxtay, c'ax jich la xc'uxtay a te bit'il yantic ach'ixetic te c'axix soque. La yac'bey te scorona ta sjol swenta muc' ajwalil, la yac'bey yich' yat'el ta antsil-ajwalil. Ja' la sjelolin te Vasti.