Proverbios 20:8 - Bible in Tzeltal de Oxchuc y Tenejapa

⁸ C'alal ya xnajc'aj ta chajbajibal te muc' ajwalile, tic' a te ya yil junuc buelta te ants-winiquetique, jich ya xchicnaj ta sit te bila amen spasojique.

Bible in Tzeltal Bachajón

⁸ Te ajwalil te ya shuhcan sba ta chahpanwanej, c'alal ya x'ilawan, ya sloq'ues spisil bintic chopol.

Proverbios 20:8 Referans Kwoze

Proverbios 25:5

ja' nix jich loq'uesbeya bael yabat te muc' ajwalil te amen yo'tane, jich yu'un te yat'el te muc' ajwalil ay me yip ya xc'ot ta swenta te toj chajbanele.

Proverbios 20:26

Te muc' ajwalil te ay sp'ijile, ya sten loq'uel ta stojol te mach'a amen yo'tane, ya snet' c'axel ta yacan carreta c'oem.

Proverbios 29:14

Te muc' ajwalil te toj ya xmandalaj ta stojol te me'baetique, ja' ya yac'bey yiptajib sbajt'el q'uinal te yat'ele.

Salmos 99:4

Ja'at muc' ajwalilat te bayal awu'el, te lec awo'tan yu'un te bila toj ta pasele; ja'at la achajban te pajal ay ta c'uxtayel te ants-winiquetique. Lec yacat ta xchajbanel soc ta stojtesel te snich'nab Jacob.

Isaías 32:1

Ay me jtul muc' ajwalil ta patil te toj ya xmandalaj, soc yantic biq'uit ajwaliletic te toj ya xchajbanwanique.

Proverbios 16:12

Te muc' ajwaliletic ma lecuc yat'el ya yilbey te mach'a amene; melel te yat'el te muc' ajwalile, ja' yich'oj yip a te stojil chajbanele.

Salmos 92:9

Cajwal, ja' mero smelelil te ya yich'ic jinel te acontrotaque; ta spisilic te mach'atic amen yat'elic ya me yich'ic puquel bael.

Salmos 72:4

Te muc' ajwalil ac'a yac'bey bila mero stojil ta swenta te me'baetique. Ac'a scoltaybey te yal-snich'nab te mach'atic ma'yuc bila x'ain yu'unique; yan te jmozoinwanejetique ac'a yich'ic lajinel jilel stuquelic.

2 Samuel 23:4

jich me te bit'il yac ta t'osel q'uinal c'alal ya sacube, jich me te bit'il xojobil te c'aale te ma'yuc tocal ta sabe, te ya yac' muc'ubuc te ch'in wamaletique c'alal ya xc'ax te ja'ale’, xi'.

San Mateo 12:30

“Te mach'a ma sjoinone, ja' jcontro abi. Te mach'a ma ta jwentauc ya stsobawane, ja' jinwanej abi.

1 Reyes 7:7

Soc la spas yan jwol na yu'un smuc'ul nactijib, ja' te Chajbajibal, swenta yu'un tey ya yich' chajbanel spisil muliletic a. La smac ta sba soc c'alal ta ye'tal ta cedro.