Proverbios 20:3 - Bible in Tzeltal de Oxchuc y Tenejapa

³ “Lec yo'tan”, xi' sc'oplal te mach'a ma sc'an te c'opetique; mach'auc a te ma sna' q'uinal, ya sjach te c'ope.

Bible in Tzeltal Bachajón

³ Ha lec sc'oblal te mach'a ma sc'an c'op, pero mach'ahuc a te ma sna' q'uinal ya shach te c'ope.

Proverbios 20:3 Referans Kwoze

Proverbios 16:32

Ja' lec te lamal co'tantic, ma ja'uc lec te tulan ya cac' jbajtique; ja' lec te jtuqueltic ya jpas jbajtic ta mandal, ma ja'uc lec te ya jtsaltic bayal lumetique.

Proverbios 17:14

Te c'op ya xjajch'e, jich c'oem te bit'il snojel ja'; ja' lec ya jq'uej jbajtic bael, swenta yu'un ma me xmuc'ub a.

Efesios 4:32

Ja' ya sc'an te talel c'axel ay yutsil awo'tan abaique, soc te pajal ya ac'uxtay abaique. Pasbeya abaic perdón jich te bit'il Dios la spasbeyex perdón ta swenta te Cristoe.

Proverbios 19:11

Te mach'a ay sp'ijile, ya scom sba ta ilimba; soc ya x'ich'ot ta muc' teme ma'yuc sc'oplal ta yo'tan te ixtac'optayele.

Proverbios 14:29

Teme ya xcujch' cu'untic te wocole, ya me cac'tic ta ilel a te bayal sp'ijil co'tantic; yan teme ma xcujch' cu'untique, ja' ya cac'tic ta ilel a te smuc'ul sbolil co'tantique.

Santiago 4:1

¿Banti ya xjajch' awaiyic te ya acontroin abaique soc te ya atsac abaique? ¿Ma bal ja'uc te sbic'tal awo'tanic te spisil ora ya sujexe?

Proverbios 18:6

Te mach'a ma sna' q'uinal, ya yac' sba ta c'op; ta swenta sc'op ya sle yaiy buen majel.

Santiago 3:14

Yan teme nojel awo'tanic ta bic'tal-o'tanil soc jex-o'tanil, ma me xacuy abaic te lec ayex soc te sp'ijil awo'tanique, soc ma me x'asut ta lot te bila smelelile.

Proverbios 21:24

Muc' scuyoj sba te jlabanwanej; soc te mach'a stoyoj sba ta jyalele ma x'ich'awan ta wenta.

Proverbios 14:17

Te mach'a ora nax ya x'ilin, ma sna' snopel bi ya spas; yan te mach'a ya sna' snopele, ja' ya sc'an te lamal nax te q'uinale.

2 Reyes 14:9

Pero te Joás jich la yac'bey sujt'ib: “Te jch'ix itaj la sticun ta alel te cedro ta Líbano: ‘Ac'beya te awantsil-nich'an te jquerem-nich'ane, yu'un ya yinamin’, xi'. Pero jcojt' ja'mal chambalam c'ax tey a, tenot jilel te jch'ix itaj, xi' te sloc'ombail c'ope.

Génesis 13:7

Te jcanan-chambalametic yu'un te Abram la yut sbaic soc te jcanan-chambalametic yu'un Lot. Tey nix nainemic a te cananeoetic soc te ferezeoetique.

Génesis 13:8

Te Abram jich la yalbey te Lote: —Ma me jpas jbajtic ta contro, te melel quermano jbajtic. Ma me scontroin sbaic te jcanan-chambalametic cu'untique.

Proverbios 26:17

Te mach'a ya yac' sba ta c'op te ma swentauque, jich c'oem te bit'il ya yich' tsaquel ta xchebal xchiquin te ts'i'e.