Proverbios 20:16 - Bible in Tzeltal de Oxchuc y Tenejapa

¹⁶ Te mach'a ya stejc'an sba yu'un sbet te jyanlume, pojbeya te sc'u'e, soc ich'a bael ta prendal.

Bible in Tzeltal Bachajón

¹⁶ Ich'beya sc'u' te mach'a ya stehc'an sba yu'un sbet jyanlum; ich'beya sprenda te mach'a ya stehc'an sba yu'un sbet te ma sna'be sba.

Proverbios 20:16 Referans Kwoze

Proverbios 27:13

Te mach'a ya stejc'an sba yu'un sbet te mach'a jyanlume, pojbeya te sc'u'e, ich'a bael ta prendal.

Proverbios 11:15

Ma lecuc ya xc'ot te mach'a ya stejc'an sba ta c'op yu'un sbet te mach'a ma sna'bey sbae; yan te mach'a ma stejc'an sba ta c'ope, jun nax me yo'tan ay stuquel.

Proverbios 23:27

Melel te yan ants soc te jmulawil ants, pajal soc pozo te mero c'ubule soc te tsail nax jutbile;

Proverbios 7:10

Ora nax loc' tel ta tael yu'un te antse, buen xch'aloj sba jich te bit'il jmulawil ants.

Proverbios 7:5

Ja'ic me te ya scoltayat ta sc'ab te ants te ya spas mulweje, te jchajp sc'op ya xlo'laywan soc te ay smaña ta lo'laywaneje.

Proverbios 5:3

Melel te yan antse, ay xchi'il te bila ya yale, te sc'ope c'ax jich sc'unil a te bit'il sc'unil aceite;

Proverbios 2:16

Ya me scoltayat ta sc'ab te yan antse, te jchajp sc'op ya xlo'laywane,

Proverbios 6:1

Jnich'an, teme ay ya atejc'an aba ta stojel sbet te mach'a c'ux ta awo'tane, o teme ya awentainbey sbet te mach'a ma x'ana'bey sbae,

Proverbios 20:15

Ja' lec xan te mach'a ya xc'opoj ta swenta te sp'ijile, c'ax jich yutsil te bit'il oro soc yantic te bitic t'ujbil yutsilic ta spamal te balumilale.

Proverbios 20:17

Ay mach'a ya smulan stael swe'el ta lo'laywanej; ja'uc me to, ta patil jich ya xc'ot ta ye te bit'il ts'ubil lum.