Proverbios 20:12 - Bible in Tzeltal de Oxchuc y Tenejapa

¹² Te chiquinil, yu'un yaiyel c'op; te sitil, yu'un yilel q'uinal; ja' swentail te pasbilic yu'un te Cajwaltique.

Bible in Tzeltal Bachajón

¹² Te chiquinil te ya ya'iy c'op soc te sitil te ya yil q'uinal, ta schebal pajal pasbil yu'un Jehová.

Proverbios 20:12 Referans Kwoze

Salmos 94:9

¿Ya bal acuyic te ma xyaiy stojol te mach'a la spas te jchiquintique? ¿Ya bal acuyic te ma xyil te mach'a la yac' te jsitique?

Salmos 119:18

Ac'bon quil q'uinal ta lec, swenta yu'un ya quil a te jchajp nax yutsilal te amandale.

Éxodo 4:11

Te Cajwaltic la yalbey: —¿Mach'a la spasbey ye te ants-winiquetique? ¿Ma bal jo'ucon? Ya xju' jc'atp'un ta uma', cojc' soc ma'sit.

Hechos 26:18

Yu'un ya me xc'o ajambey sitic, swenta yu'un ya yijq'uitayic te ijc' q'uinale, jich me ya xbeenic ta saquil q'uinal. Soc swenta yu'un ma me ayuc xan ta sc'ab te Satanase, ja' me ya yac' sbaic ta sc'ab te Diose. Jich me ya xch'uunonic, soc ya me jpasbey perdón yu'un te smulique, soc ya me yac' ainuquic tey a ta banti ainemic te mach'atic ch'ultesbilique”, xi' ta yalbelon te Jesuse.

Proverbios 25:12

Jich bit'il ch'ocowil, o ualil, te pasbilic ta t'ujbil oro, jich c'oem te p'ijil comel ta stojol te mach'a ya sna' yich'ele.

Isaías 29:18

Te bi c'aalil ya cal ya me yaiyic stojol te cojq'uetic c'alal ay mach'a ya xc'oponbot yaiyic te june; soc te mach'atic ma xyilic q'uinale, ya me xjam sitic, ma'yuc ijc' q'uinal, ni ajc'ubal ta stojolic.

1 Corintios 12:17

Te ja'uc sitil scojt'ol te sbaq'uetale, ¿bit'il ya xju' yu'un te ya yaiy stojol te c'ope? Soc te ja'uc chiquinil scojt'ol te sbaq'uetale, ¿bit'il ya yaiybey yic' te bila ya xbeen yiq'ue?