Proverbios 2:9 - Bible in Tzeltal de Oxchuc y Tenejapa

⁹ Jich me ya ana' te bila toj soc ya me ana' te bila yich'oj swentaile, soc ja'uc me ay ta awo'tan spasel te bila leque;

Bible in Tzeltal Bachajón

⁹ Hich me yac ana' te bin toj, te stojil chahpanel, soc te spisil pajal ya x'ich'ot ta cuenta, soc spisil lequil behetic.

Proverbios 2:9 Referans Kwoze

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Isaías 48:17

Jich ya yal te Cajwaltic te J'ac'wanej ta libre awu'une, te Ch'ul Dios yu'un te Israele: —Jo'on te Ajwalilon te Dioson awu'une; jo'on ya jp'ijubtesat ta swenta te alequilale, jo'on ya quic'at ta be ta bay ya sc'an ya at'un baele.

San Juan 14:6

Jesús la yalbey: —Jo'on te beone, te smelelilone, soc te cuxlejalone. Jtul ma'yuc mach'a ya xtal ta stojol Jtat, jo'on nax ta jwenta.

Salmos 119:99

C'axem jich ya jna' a te bit'il ya sna'ic spisil te maestroetic cu'un, melel bayal ya jnop ta co'tan te mandaliletic awu'une.

Salmos 32:8

Te Cajwaltic ya yal: “Cac'oj jsit ta atojol. Jo'on ya cac'bat p'ijubtesel, ya cac'bat tojtesel, ya cac'bat awil te be te ya sc'an ya at'une.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

Salmos 119:105

Te ac'ope xojobajem cacan ta beel yu'un, soc sacuben te jbe yu'une.

Proverbios 4:18

Te be yu'unic te mach'atic toj yo'tanique, jich c'oem te bit'il saquil q'uinal te c'alal ya sacub tel q'uinal ta jujun sabe, yac ta sacubel tel te q'uinale, asta ya sacub ta lec.

Proverbios 8:20

Te jo'on ya xboon ta toj be, ja' te sbelal te toj-o'tanile.

Proverbios 28:5

Te mach'atic amen yo'tanic, ma xc'ot ta yo'tanic xujt'uc te bila toj ta pasele; yan te mach'atic ya sleic te Cajwaltique, ya xc'ot ta yo'tanic spisil.

Salmos 25:12

Te mach'a ya yich' ta muc' te Cajwaltique, ja' ya x'ac'bot yil yu'un te be te ya st'une;

Proverbios 4:12

te banti ma'yuc bila ya smacat ta beele, te banti ma ba ya ac'ojch'in awacan ta animal teme animajate.