Proverbios 2:7 - Bible in Tzeltal de Oxchuc y Tenejapa

⁷ Te Cajwaltic ya scoltay soc ya scanantay te mach'atic toj ya yac' sbaic soc te ma'yuc bila amen ya spasique;

Bible in Tzeltal Bachajón

⁷ Ha ya sq'uejbe lequil p'ijil-o'tanil te mach'atic toj yo'tanic; ha smahquil te mach'atic toj ya xbehenic.

Proverbios 2:7 Referans Kwoze

Proverbios 30:5

Te Cajwaltic ya scanantay te mach'atic ja' smuc'ulinej yo'tan; spisil te bitic yalojbotic, ya sc'an ya smuc'ulin co'tantic.

Salmos 84:11

Melel te Diose, te Cajwaltique, ya yac'otic ta saquil q'uinal, soc ja' jmajq'uiltic stuquel. Te Cajwaltic c'ux ta yo'tan ya yaiy te mach'atic toj bitic ya spasic ta q'uinale, soc ya yich' ta wenta stuquel. Ma me ayuc bila ma x'ac'botic, melel spisil te bitic leque ya me x'ac'botic stuquelic.

1 Corintios 1:19

Melel jich ts'ibubil jilel ta Sjun te Diose: “Ya me jinbey sp'ijilic te mach'atic p'ijique, soc ya me jch'aybey ta yo'tanic te mach'atic ay sp'ijil yo'tanique”, te xie.

1 Corintios 1:30

Yan te ja'exe, Dios la yaq'uex ta jun nax soc te Cristoe, ja' jp'ijiltic yac'ojbotic te Diose. Ja' la yac'otic ta libre yu'un jmultic, soc ja' ch'ultesbilotic yu'un, soc manbil jcoleltic yu'un.

Proverbios 28:18

Te mach'a lec yo'tan ay me ta coltayel stuquel; yan te mach'a ay mulil ta yo'tane, ya me sta falta yu'un.

Proverbios 14:8

Te mach'a ay sp'ijile, ya stsajtay te bila ya spase; yan te mach'a ma sna' q'uinale, ya xlo'layot yu'un te sbolile.

Colosenses 2:3

Stuquel ay ta swenta spisil p'ijil-o'tanil soc spisil te bila ya sc'an ya jna'tic stojol te q'uejbil yu'un ta spisile.

Salmos 144:2

Jun yo'tan cu'un, ja' cawil te banti ya quich' canantayel, ja' te mero toyol anjibal soc te j'ac'aw ta libre cu'une. Ja' jmajq'uil stuquel te ya jcanantay jba a; ja' stuquel te ya yac'bon ta jc'ab te lumetique.

1 Corintios 1:24

Yan te mach'atic ic'bilic yu'un te Diose, chican teme judioetique o teme jyanlumetique, jich c'oem ta yo'tanic te bit'il ja' yu'el Dios soc ja' sp'ijil Dios te Cristoe.

Proverbios 8:14

Jo'on ay ta jwenta te bila lec ya yich' chapele, jo'on ya cac' c'otuc ta pasel, jo'on te chajbajibalon soc te ay quipe.

Job 28:8

Te jti'awal ja'mal chambalametic, ma ba ya xc'axic tey a, ni ja'uc te león-chojetic ya xc'axic tey a.

Salmos 3:4

Ya x'awunon ta sc'anel coltayel yu'un te Cajwale, ya stsacbon jc'op stuquel c'alal ta ch'ul wits Sión.