Proverbios 2:6 - Bible in Tzeltal de Oxchuc y Tenejapa

⁶ Melel ja' Cajwaltic te ya yac' te p'ijil-o'tanil, p'ijil c'op soc te p'ijil jolole, ja' ya xloc' tel ta ye stuquel.

Bible in Tzeltal Bachajón

⁶ Como Jehová ya yac' te p'ijil-o'tanil, soc ya xloc' tal ta ye te p'ijil-o'tanil soc te bin ay ta na'el.

Proverbios 2:6 Referans Kwoze

Santiago 1:5

Teme ay ma'yuc sp'ijil awo'tanique, c'anbeyaic te Diose, jich me ya yac'beyex. Ma p'isbiluc ya yac' stuquel, soc ma ba amen ya yaiy te bit'il ya yich' c'anbele.

Salmos 119:98

Te mandaliletic awu'un, cu'un sbajt'el q'uinal; yac'ojbon jp'ijil c'axem to xan a te bit'il ay te jcontrotaque.

Job 32:8

Ta mero melel spisil winiquetic ya sna'ic q'uinal, melel te Mach'a Spisil ya xju' yu'un la yac'bey te espíritu yu'une.

San Lucas 21:15

Melel te jo'one, ya me cac'beyex p'ijil c'op soc ya me cac'beyex te bila ya awalic te ma xju' yu'un sujt'esel te acontroique, soc te ma xju' ta controc'optayel yu'unique.

Isaías 54:13

Jo'on ya jp'ijubtesbat ta spisil te awalataque, spisil me ya staic muc' yutsilalic.

San Juan 6:45

Jich ts'ibubil jilel yu'unic te j'alwanejetique: “Dios me ya xp'ijubtesot yu'un ta spisilic”, te xie. Spisil mach'a ya yaiybeyic stojol sc'op te Jtate soc teme tey la snop a, ya me xtal ta jtojol.

1 Reyes 3:12

Ja' yu'un, ya me cac'bat te bila la ac'anbone. Ya me cac'bat ana' spisil, soc ya me cac'bat sp'ijil awo'tan yu'un stsajtayel spisil. Ma'yuc jich sp'ijil yich'ojic te mach'atic neel c'ax awu'une, soc ni ayuc mach'a jich ya yich' xan te mach'a patil awu'une.

Santiago 1:17

Spisil bila lec te quich'ojtique soc spisil jmajt'antic te jelawen yutsile, coem tel ta cajal spisil, te ja' yac'ojbotic te Jtatic te la spas te c'aal, u, soc eq'uetique. Stalel ay stuquel, soc xujt' ma xyanaj te xojobile.

Salmos 119:104

Te mandaliletic awu'un la jtaix sp'ijil jol yu'un; ja' swentail te ya quilayix spisil te lotil at'elile.

Daniel 2:23

Ja'at, Diosat yu'un te jme'-jtate, ya me calbat wocol soc ya me calbat yutsil ac'oplal. Melel la awac'bon sp'ijil co'tan soc awac'ojbon quip. Yo'tic la awac'bonix jna' te bila la jc'anbate; la awaq'uix jna'tic te bila bayal sc'oplal ta yo'tan te muc' ajwalile —xi' te Daniele.

Daniel 1:17

Ta xchanebalic te queremetique, Dios ac'bot sp'ijil yo'tanic yu'un, soc ac'bot sna'ic ta lec te bit'il ay sc'oplal spisil ta jchajp libroetic soc spisil p'ijililetic. Te Daniel ya sna' yalbeyel sc'oplal spisil ta jchajp waichiletic soc te bitic ya x'ac'bot yil ya yaiye.

Isaías 8:20

swenta yu'un ya x'ac'botic sna'ic te bila ya yal —xiic me. Jich nix ya yalbeyex a, pero te bila ya yalique puro jowil c'op.

1 Reyes 4:29

Te Salomón bayal sp'ijil yo'tan ac'bot yu'un Dios, soc bayal bitic ac'bot sna'bey swentail; mero bayal bitic ya xju' yu'un snopel, jich yipal te bit'il ji' ay ta sti'il mar.

Daniel 2:21

Ja' ya sjelbey sc'aalelal, soc yajtalul. Ya xju' yu'un ya sloq'ues ajwaliletic, soc ya yac' ochel ajwaliletic. Ya xju' ya yac'bey sp'ijil yo'tan te mach'a ay sp'ijile; ya xju' ya yac'bey snopjibal yu'un te mach'a ay bila sna'oje.

Proverbios 6:23

Ta mero melel, te mandaliletic soc te jp'ijubteseltic ja'ic tsumbil lámpara c'oemic; te tojtesel soc te tac'uyel ja'ic te be yu'un te cuxlejale.

Salmos 19:7

Mero lec te p'ijubtesel yu'un te Cajwaltique, melel ya x'ach'ub jcuxlejaltic yu'un. Te smandal Cajwaltic jun nax bi ya yal, melel ya xpasot ta p'ij yu'un te mach'a ma sna' q'uinale.

1 Reyes 3:9

Ac'bon c'otuc ta co'tan spisil, swenta yu'un ya xju' cu'un sna'el te bila leque, soc te bila ma lecuque. Melel ¿mach'a ya xju' yu'un swentainel te lum awu'un te mero bayale? —xi'.

Éxodo 31:3

La jnojesbeyix ta yo'tan te espíritu cu'une, soc ay sp'ijil ta spasel spisil te at'ele. Ay ta yo'tan te bila ya spas, soc yilojix ta pasel, ay smajt'an yu'un ta spisil.

1 Crónicas 22:12

Te Cajwaltic ac'a yac'bat snopjibal ta lec soc p'ijil-o'tanil swenta yu'un, te c'alal ya yac'bat awat'el ta ajwalil ta stojol Israel, ya me ac'otes ta pasel te mandaliletic yu'un te Cajwaltic Dios awu'une.

Nehemías 7:5

Dios la stijbon co'tan ta stsobel te winiquetic ich'bilic ta muq'ue, soc te mach'atic ay yat'elique, soc nix te yajwal lume, swenta yu'un ya yich'ic ajtayel ta chajbalchajp soc te sts'umbalique. La jta te libro te banti yich'ojic ajtayel ta chajbalchajp sts'umbalic te mach'atic neel julic tele. Tey ts'ibubil sbiilic a te ants-winiquetic in to:

Job 22:22

Ac'a aba ta p'ijubtesel yu'un stuquel te Diose, ac'a ta ajol te sc'ope.

Salmos 51:6

Ta mero melel ja' c'ux ta awo'tan te mach'a smelelil ya xc'opoje; ta mero yutil co'tan la awac'bon te p'ijil c'ope.

Eclesiastés 2:26

Melel te Diose, ja' ya yac'bey sp'ijil yo'tan soc sp'ijil sjol soc yutsil q'uinal yaiy te mach'a lec ta site. Pero te mach'a ya sle smule, ya yac'bey c'axuc swocol ta stsobel sc'ulejal, yu'un patil ja' ya yac'bey te mach'a lec ta site. ¡Ja' nix te mero tojol ta jyalel ta pasele, te ja' pajal soc te yacuc jtsactic te iq'ue!

1 Reyes 10:24

Ta spisil ants-winiquetic yo'tanuc ya yilic, soc yo'tanuc ya yaiybeyic te sp'ijil sc'op ac'bot yu'un te Diose.

Esdras 7:25

“Jichat uuc te ja'ate, Esdras, chican te bila sp'ijil awo'tan yac'ojbat te Dios awu'une, ac'beya yat'el juecetic soc jwentainwanejetic. Ac'a xchajbanic ta stojil ta spisilic te mach'atic ayic ta jpam q'uinal te ay ta stojol smalib c'aal yu'un te muc'ja' Eufrates, ja'ic ta spisilic te ya sna'ic te mandalil yu'un te Dios awu'une. Te mach'atic ma sna'ique, ac'beya snopic.

Job 12:13

Pero te Diose ay sp'ijil soc spisil ya xju' yu'un stuquel. Ay bila ya xchap, soc te bila ya xchape, ya xc'ot ta pasel yu'un.

Job 12:16

Ta swenta yu'el ya yaiy tsalaw stuquel te Diose. Ja' nix swentainej te mach'a lo'laybil soc swentainej te jlo'laywaneje.

Salmos 19:8

Te mandaliletic yu'un Cajwaltic toj ay stuquelic, melel ya yac'botic yutsil co'tantic. Te smandal Cajwaltic ma'yuc bila capal soc, ya xchicnaj yutsilal ta jsit-quelawtic.

Salmos 94:10

¿Yu'un bal ya acuyic te ma xyac' castigo te mach'a ya stojtes te nacionetique? ¿Yu'un bal ya acuyic te ma sna' stojol te mach'a ya sp'ijubtes te ants-winique?

Salmos 119:34

Ac'bon sp'ijil co'tan yu'un ya me cac' ta co'tan te p'ijubtesel awu'un; ya jc'an ya jch'uun spasel ta spisil co'tan.