Proverbios 2:5 - Bible in Tzeltal de Oxchuc y Tenejapa

⁵ Jich me ya ana' a te bit'il ay ta ich'el ta muc' te Cajwaltique; jich me ya ata te bit'il ya ana'bey sba te Diose.

Bible in Tzeltal Bachajón

⁵ hich me yac ana' a te xi'el te Jehová soc hich me yac ana'be sba a te Diose.

Proverbios 2:5 Referans Kwoze

Proverbios 1:7

Te xjajch'ibal te p'ijil-o'tanile, ja' te yich'el ta muc' te Cajwaltique; te mach'atic ma sna'ic q'uinale ya yilayic te p'ijil c'op soc te p'ijubtesele.

Jeremías 24:7

Ya cac'bey sna'ic q'uinal ta lec, swenta yu'un ya me sna'bonic jba te jo'on Ajwalilon. Ja'ic me te lum cu'un, soc jo'on me Dioson yu'unic; melel ya me sujt'es yo'tanic ta jtojol ta spisil yo'tanic.

1 Juan 5:20

Jna'ojtic stojol te xtaluc ta balumilal te Snich'an Diose. Ja' la yac'botiquix jna'tic q'uinal swenta yu'un jich me ya jna'beytic sba te Mach'a Smelelile. Jich jun ayotiquix ta bay te Mach'a Smelelile, ja' bi, ja' te Jesucristo te Snich'an Diose. Ja' mero cuxul Dios stuquel, soc ja' cuxinel sbajt'el q'uinal.

San Lucas 10:22

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna' stojol te mach'a a te Nich'anile. Ja' nax ya sna' stojol te Tatile. Soc ma'yuc mach'a ya sna' stojol te mach'a a te Tatile. Ja' nax ya sna' stuquel te Nich'anile, soc uuc te jayeb mach'a ya yac'bey sna'bey sbae —xi' te Jesuse.

Jeremías 9:24

Teme ay mach'a toyol nax q'uinal ya yaiye, ja'uc me toyemuc nax q'uinal ya yaiy yu'un te ya sna'bon jbae, te ya sna' te jo'on Ajwalilon, te ya x'at'ejon ta balumilal soc xc'uxul co'tan, te toj ya caiy chajbanwaneje. Ja' me ya smulan co'tan. Jo'on Ajwalilon jich ya cal —xi'.

San Mateo 11:27

Soc la yal xan: —Te Jtate yac'ojbon ta jc'ab spisil te bitic aye. Ma'yuc mach'a ya sna'bey sba te Nich'anile; ja' nax ya sna'bey sba te Tatile. Soc ma'yuc mach'a ya sna'bey sba te Tatile; ja' nax stuquel te Nich'anile, soc uuc te mach'a jayeb ya yac'bey sna'bey sbae.

Oseas 6:3

Ya me jpastic tulan ta sna'beyel sba te Cajwaltique. Te Cajwaltic ya xtal ta jtojoltic, ta smelelil, jich bit'il ya xloc' tel te c'aale, ta smelelil, jich bit'il ja'al ya yajch'es te lumq'uinal ta yorail otoño soc ta primavera.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Proverbios 9:10

Te xjajch'ibal te p'ijil-o'tanile ja' te yich'el ta muc' te Cajwaltique; teme ya ana'bey sba te Ch'ul Diose, yu'un me ay sp'ijil ajol abi.

Job 28:28

Te Diose jich la yalbey te ants-winiquetique: “Te xjajch'ibal te p'ijil-o'tanile, ja' te yich'el ta muc' te Cajwaltique; soc te mach'a jc'axel ya yijq'uitay ta pasel te bila amene, ja' te mach'a ay sp'ijil sjol stuquel”, xi' te Diose.

San Juan 17:3

Ja' ay xcuxlejalic sbajt'el q'uinal yu'un te ya sna'bat aba ja'at te jip jtul mero Diosate, soc te ya sna'beyic sba uuc te Jesucristo te la aticun tele.

Proverbios 8:17

Jo'on c'ux ta co'tan te mach'a c'uxon ta yo'tane, te mach'atic ya sleonic ya me staonic.

Proverbios 28:7

Te mach'a xch'uunej te mandalil yu'un Dios, ja' te nich'anil ya stsajtay sba; yan te mach'a ja' nax baem ta yo'tan sjoinel te mach'atic ma'yuc bi lec ya spas ta q'uinal, ya yac' ta q'uexlal te state.

Isaías 33:6

Ta sbajt'el q'uinal ya yac' te jun nax yo'tanic ya x'ainic. Te p'ijil-o'tanil soc te p'ijil-jolol, ja' c'ulejalil te ya xcoltaywane; te yich'el ta muc' te Cajwaltic, ja' c'ulejalil abi.